اتىراۋ اكىمى 92 جاستاعى كونسلاگەر تۇتقىنىن جەڭىس كۇنىمەن قۇتتىقتادى
ەكىنشى دۇنيەجۇزىلىك سوعىس باستالعان 1941 -جىلى ەكاتەرينا ابساتىروۆا وتباسىمەن بىرگە فينلياندياداعى كونسلاگەردە تۇسكەن. ول سول كەزدە 10 جاستا بولعان.
«سىن ساعاتتا ەلىن قورعاعان ارداگەرلەرىمىزدى قۇرمەتتەۋ - ءبىزدىڭ پارىزىمىز. سول ءبىر قيىن كۇندەر تاريح قويناۋىنا ەندى. الايدا، مايدانگەرلەردىڭ ەرلىگى مەن تىل ەڭبەككەرلەرىنىڭ ەڭبەگى ەشقاشان ۇمىتىلمايدى. سوعىستا جەڭىمپاز بولمايدى. ءبىز سول كەزدىڭ اۋىرتپالىعىن كورگەن جوقپىز. ءقازىر بەيبىت زاماندا عۇمىر كەشۋدەمىز. جاقسىلىقتارعا تەز ۇيرەنەمىز. الايدا، سول كەز حالىق ءۇشىن وتە اۋىر بولدى. ءسىز دە قيىندىق كوردىڭىز. ءبىراق، مويىعان جوقسىز. دەنىڭىز ساۋ بولىپ، ۇزاق عۇمىر جاساڭىز»، - دەدى سەرىك شاپكەنوۆ.
كونسلاگەر تۇتقىنى بولعان ەكاتەرينا ابساتىروۆا 1931 -جىلى 19-قاڭتاردا موردوۆيادا دۇنيەگە كەلگەن. ونىڭ وتباسى كونسلاگەر تۇتقىنىنان 1944 -جىلى بوستاندىققا شىققان.
«سودان ەكىنشى دۇنيەجۇزىلىك سوعىس اياقتالعانعا دەيىن ءارتۇرلى جۇمىس ىستەدىم. اسحانادا اسپاز، اسكەري گوسپيتالدا سانيتار سەكىلدى جۇمىستاردى اتقاردىم»، - دەيدى ەكاتەرينا ابساتىروۆا.
سوعىستان كەيىن اتىراۋلىق ۆاگاف ابساتىروۆپەن وتباسىن قۇرعان. 1968 -جىلى وتباسىمەن اتىراۋعا كوشىپ كەلگەن.
جەرگىلىكتى لوكوموتيۆ دەپوسىنا جۇمىسقا ورنالاسىپ، ماشينيستەردىڭ دەمالىس ۇيىندە كەزەكشىلىك اتقارقان. سول دەپودان زەينەتكە شىققان.
ەسكە سالا كەتەلىك، بۇدان بۇرىن بالا كەزىندە كونسلاگەر تۇتقىنى بولعان اتىراۋلىق كەيۋاناعا 1 ميلليون تەڭگە بەرىلەتىنىن جازعان ەدىك.
سونداي-اق، اتىراۋلىق ارداگەر ەكاتەرينا ابساتىروۆا كونسلاگەردەگى ازاپتى كۇندەر ءالى دە تۇسىنە كىرەتىنىن ايتقان ەدى.