ءجۇز مىڭ ا ق ش دوللار جۇمسالعان «91» توبىنىڭ فيلمىن كورۋگە كەلگەن قىزدار جاپپاي جىلادى - فوتو
الماتى قالاسىنداعى «سارىارقا» كينوتەاترىندا جۋرناليستەرگە ارنالعان كورسەتىلىم وتكىزدى. ال جانكۇيەرلەرىنە، «يگلزدارعا» ارناپ كونسەرت قويدى.
فيلمنىڭ تۇساۋ كەسەرىندە بەلگىلى بيزنەسمەن قايرات قۇدايبەرگەن، پروديۋسەر الۋا قوناروۆا، Ayumi توبى بوي كورسەتتى.
فيلمگە تولىقتاي جاۋاپتى رەجيسسەر اسقار ۇزاقبايەۆ پەن اكتريسا اسەل سادۋاقاسوۆا بولعان.
«فيلمدە بالالاردىڭ بولمىسىن بارىنشا اشۋعا تىرىستىق. ەڭبەك پەن قارجى اقتالاتىنىنا سەنەمىز. بۇل كارتيناعا ورتا ەسەپپەن 100 مىڭ ا ق ش دوللارى جۇمسالدى»، - دەيدى رەجيسسەر اسقار ۇزاقبايەۆ.
«توپتىڭ وسى ۋاقتقا قالاي جەتكەنىن، ونەرگە دەگەن ماحابباتىن كورسەتكىمىز كەلدى» دەگەن پروديۋسەر ەربولات بەدەلحان Ninety One توبى الداعى ۋاقىتتا وزگە تىلدە ءان سالا ما جانە شەتەلگە شىعۋ جوسپاردا بار ما دەگەن سۇراعىمىزعا بىلاي دەيدى:
«ءبىزدىڭ نەگىزگى ماقسات، قازاقستان ىشىندە قازاق تىلىندە ساۋاتتى كونتەنت قالىپتاستىرۋ. سوندىقتان ءبىزدىڭ باسقا تىلدە ءان ايتاتىن جوسپارىمىز جوق. ال شەتەلگە شىعۋ جايىنا كەلسەك، ءيا، قازىر بىرنەشە ەلدەردەن ۇسىنىس بار. الايدا ونىڭ ءبارى الداعى ۋاقىتتىڭ ەنشىسىندە»، - دەيدى ەربولات بەدەلحان.
ال اتى شۋلى، تانىمال Ninety One توبى پروديۋسەرلەرىڭىز كينوداعىداي قاتال ما دەگەن سۇراققا ءبىر كۇلىپ الدى.
«ءيا، ءدال سولاي، كەيدە ودان دا قاتتى قاتال. سىزدەر ونىمەن جۇمىس ىستەپ كورگەن جوقسىزدار عوي»، - دەپ ءازىل- شىنى ارالاس جاۋاپ بەردى Ninety One-دىق جىگىتتەر.
فيلمدە توپتىڭ دايىندىقتان وتۋلەرى، پروديۋسەردىڭ قيىن تاپسىرماسى، جانكۇيەرلەردڭ قولداۋى مەن «حەيتەرلەردىڭ» قارسىلىعى كورسەتىلەدى. سونداي-اق، ەسترادا انشىلەرى مەن اقىن رينات زايىتوۆتىڭ قارسى سويلەگەن سوزدەرىنەن، ءار قالالاردا قارسى شىققان توپتاردىڭ ۆيدەولارىنان ۇزىندىلەر كەلتىرىلگەن.
«سارى ارقا» كينوتەاترىنىڭ الدىنا جينالعان جانكۇيەرلەر كوز جاستارىنا ەرىك بەرىپ تە ءجۇر. ال كەيبىرەۋلەرى سىيلىقتارىن دا ارقالاي كەلىپتى.
كينودان كەيىن كونسەرتكە جينالعان جانكۇيەرلەر وتە كوپ بولدى. ءبارى دە جىگىتتەردىڭ انىنە قوسىلىپ، بيلەپ، قولداپ جاتتى.
ال كەشكى سەانسقا كەلگەن ادامنىڭ كەزەگىندە ەسەپ جوق. بۇل كۇنى Ninety One توبى ەرەكشە ماحابباتقا بولەنگەندەرىن جەتكىزدى.