عالىمدار: 90-جىلدارى حيت بولعان يسپان ءانى ادام ءومىرىن قۇتقارا الادى

بۇل تۋرالى ريا نوۆوستيگە سىلتەمە جاساپ Stan.kz اقپاراتتىق اگەنتتىگى حابارلايدى.

زەرتتەۋگە 164 ستۋدەنت الىنعان. زەرتتەۋشىلەر ولاردى ءۇش توپقا ءبولدى. العاشقىلارى - مەترونوم اسپابىنىڭ سۇيەمەلدۋىمەن كوكىرەك قۋىسىنا كومپرەسسيا جاساعان. ەكىنشى توپ ىشتەي Macarena ءانىن شىرقاعان. ال ءۇشىنشى توپ ەرەكشە باقىلاۋعا الىندى.

«يسپانيالىق Los Del Rio توبىنىڭ Macarena ءانى جۇرەككە ماسساج جاساۋ كەزىندە كومەكتەسەدى. ونىڭ ءريتمى مينۋتىنا 103 سوققى. ول كەۋدە قۋىسىنا قاجەتتى جيىلىكپەن ساي كەلەدى»، - دەيدى عالىمدار.

ەكى مينۋتتىق ماسساجدان كەيىن، مەترونومدى قولدانعان ستۋدەنتتەردىڭ جاقسى كورسەتكىشكە يە بولعانى انىقتالدى. بۇل توپ قاتىسۋشىلارىنىڭ %91 ى مينۋتىنا 100-120 سوققىدان جاساعان. ەكىنشى ورىنعا يسپان ءانىن شىرقاعاندار جايعاستى. ولاردىڭ% 74ى ريتممەن ساي كەلگەن. ال مەترونومدى دا قولدانباي، Macarena ءانىن دە تىڭداماعاندار نەبارى %21 دى كورسەتكەن.

زەرتتەۋ اۆتورلارى مەترونومنىڭ ونىمدىلىگى جوعارى بولعانىمەن، اتالعان اسپاپتى وڭايلىقپەن تابۋ مۇمكىن ەمەستىگىن اتاپ ءوتتى. سوندىقتان دا ولار 90-جىلدارى حيت بولعان ءاندى ءبىلۋ ارقىلى بىرەۋدىڭ ءومىرىن قۇتقارۋعا بولادى دەگەن توقتامعا كەلدى.