08:56, 22 - جەلتوقسان 2016 | GMT +5
عالىمدار اركتيكادان 90 ميلليون جىل بۇرىنعى قۇس سۇيەگىن تاۋىپ الدى
استانا. قازاقپارات - كانادالىق عالىمدار اركتيكادان ەجەلگى قۇستىڭ تاس بوپ قالعان سۇيەكتەرىن تاپتى.
تاسقا اينالعان قۇس قالدىقتارىن زەرتتەۋشىلەر اركتيكانىڭ اكسەل- حەيبەرگ ارالىنان تاپتى. مامانداردىڭ باعالاۋىنشا، بۇل قۇس 90 ميلليون جىل بۇرىن ءدال وسى مەكەندە تىرشىلىك ەتكەن. قۇس سۇيەگىنىڭ ۇزىندىعى 12 سانتيمەترگە جەتكەن، بۇل قاناتتىلاردىڭ ايتارلىقتاي ءىرى بولعانىن دالەلدەيدى. تابىلعان قۇستى عالىمدار Tingmiatornis arctica دەپ اتادى. قۇستىڭ ءىرى بالىقتارمەن قورەكتەنگەنى انىقتالدى. عالىمداردىڭ ايتۋىنشا، اركتيكادان تابىلعان قۇس سۇيەگى بۇل ايماقتا جىلى كليماتتىڭ بولعانىن دالەلدەيدى، دەپ جازادى informing.ru.
