كولىك پوليتسەيلەرى جىل باسىنان بەرى 900 گە جۋىق شەتەلدىكتى جاۋاپقا تارتتى

بۇل تۋرالى ق ر ءى ءى م-نىڭ كولىكتەگى پوليتسيا دەپارتامەنتىنىڭ باسپا ءسوز قىزمەتى حابارلادى.

باسپا ءسوز قىزمەتى تاراتقان مالىمەتتەرگە قاراعاندا، كوشى-قون قىزمەتى باسقارماسىنىڭ مالىمەتىنە سايكەس، كولىكتەگى پوليتسيا دەپارتامەنتىنىڭ قىزمەت كورسەتۋ اۋماعىندا اعىمداعى جىلدىڭ باسىنان بەرى جۇرگىزىلگەن ءىس-شارالاردىڭ ناتيجەسىندە كولىك پوليتسەيلەرى 897 ازاماتتى اكىمشىلىك جاۋاپقا تارتتى. ونىڭ 794 ى ت م د ازاماتى، ال 15 ى وزگە شەت مەملەكەتتەردەن.

ماسەلەن، شۋ ستانسياسىنداعى جەلىلىك پوليتسيا ءبولىمىنىڭ قىزمەتكەرلەرى قازاقستان رەسپۋبليكاسى زاڭناماسىن بۇزعانى ءۇشىن 22 جاستاعى اۋعانستان ازاماتى اكىمشىلىك جاۋاپقا تارتىلدى.

وعان قاتىستى ق ر ا ق ب ت ك-نىڭ 517-بابىنىڭ 2-بولىگى، ياعني شەتەلدىكپەن نەمەسە ازاماتتىعى جوق تۇلعامەن حالىقتىڭ كوشىپ-قونۋى سالاسىنداعى قازاقستان رەسپۋبليكاسىنىڭ زاڭناماسىن بۇزۋ بويىنشا اكىمشىلىك حاتتاما تولتىرىلدى. جوعارىدا اتالعان ازامات شۋ اۋداندىق سوتىنىڭ قاۋلىسىمەن ەل اۋماعىنان شىعارىلدى.

سونداي-اق، قازاقستان رەسپۋبليكاسى زاڭناماسىن بۇزعانى ءۇشىن 4 قىلمىستىق قۇقىقبۇزۋشىلىق انىقتالعان. ونىڭ ىشىندە زاڭسىز كوشى-قوندى ۇيىمداستىرعانى ءۇشىن - 1، ەل اۋماعىنان تىسقارى شىعارۋ تۋرالى سوتتىڭ شەشىمىن ورىنداماعانى ءۇشىن - 2 جانە مەملەكەتتىك شەكارانى قاساقانا وتكەنى ءۇشىن - 1 زاڭبۇزۋشىلىق انىقتالدى. بۇعان قوسا كولىك پوليتسەيلەرى جەكە باسىن كۋالاندىراتىن قۇجاتتارى جوق 14 شەتەل ازاماتىن قابىلداۋ ورنىنا ورنالاستىردى.

81 شەتەل ازاماتى سوت قاۋلىسىمەن ەل اۋماعىنان شىعارىلدى.