08:57, 02 - قىركۇيەك 2015 | GMT +5
قازاقستاننىڭ جاڭادان قۇرىلعان اۋە كومپانياسى ۇشاقتارىمەن 900 دەن استام جولاۋشى ۇشتى - فوتو
استانا. قازاقپارات - 27 - تامىزدا «Qazaq Air» ا ق ايماقتىق باعىتتار بويىنشا (استانا، الماتى، شىمكەنت، پاۆلودار قالالارى) جولاۋشىلاردى تاسىمالداۋدى باستادى، دەپ حابارلايدى «سامۇرىق قازىنا» ۇ ءا ق» ا ق باسپا ءسوز قىزمەتىنەن.
28 - تامىزدا اۋە كومپانياسى الماتىدان پاۆلودارعا العاشقى رەيستى ورىندادى، ال 30 - تامىزدا شىمكەنت- پاۆلودار- شىمكەنت رەيسىن ورىندادى.
«پاۆلودار اۋەجايى» ا ق باسقارما ءتوراعاسى ۆلاديمير يۆانوۆيچ يۋديننىڭ ايتۋىنشا، پاۆلودار مەن شىمكەنت قالالارىنىڭ اراسىنداعى اۋە قاتىناسى 10 جىلدان استام ۋاقىت بولماعان جانە «Qazaq Air» ايماقتىق اۋە كومپانياسى ونى قالپىنا كەلتىرگەن العاشقى اۋە كومپانياسى بولدى.
العاشقى بەس كۇن ىشىندە ايماقتىق تاسىمالداۋشىنىڭ قىزمەتىن 900 دەن استام جولاۋشى پايدالاندى.
«Qazaq Air» ا ق - قازاقستانداعى ايماقتىق باعدارلار بويىنشا قىزمەت كورسەتەتىن جاڭا اۋە كومپانياسىنىڭ اكسيالارىنىڭ 100 پايىزى «سامۇرىق- قازىنا» ا ق- نا تيەسىلى.
