ازيا چەمپيوناتىندا وتانداستارىمىز 9 التىن، 8 كۇمىس، 2 قولا مەدالدى ەنشىلەدى

استانا. قازاقپارات - يندونەزيادا وتكەن بايداركا مەن كانوەدا ەسۋ سپورتىنان جاستار مەن ەرەسەكتەر اراسىندا وتكەن ازيا چەمپيوناتىندا وتانداستارىمىز 9 التىن، 8 كۇمىس، 2 قولا مەدالدى ەنشىلەسە، سونىڭ 5 التىن، 5 كۇمىس جانە 1 قولا مەدالى وڭتۇستىك قازاقستاندىق سپورتشىلاردىڭ قورجىنىندا.

بۇل تۋرالى و ق و اكىمىنىڭ باسپا ءسوز قىزمەتىنەن حابارلادى.

اتاپ ايتساق، 1000 مەترلىك ەكەۋلىك بايداركادا جەرلەستەرىمىز - ە. الەكسەيەۆ سىنعا ءتۇسىپ، توپتى جارسا، 200 مەترلىك جۇپتىق بايداركادا ەرلەر اراسىندا و. ياننيتسكي، ايەلدەر اراسىندا ن. پودوينيكوۆا جانە ن. سەرگەيەۆا، ال جاستار اراسىندا ا. بوريسوۆ پەن گ. ارتەميەۆ التىننان القا تاعىندى.

ەرلەر اراسىندا ت. حايداروۆ 200 مەترلىك كانوەدا جەڭىس تۇعىرىنان كورىندى. سونىمەن قاتار، كۇمىس جانە قولا جۇلدەگەرلەردىڭ ىشىندە جەرلەستەرىمىز - ا. الشانسكي، ن. سەرگەيەۆا، ي. پودوينيكوۆا، يۋ. بەرەزينتسيەۆ، س. مولينا جانە اعايىندى ەمەليانوۆتار دا بار. ءسويتىپ، الەم جانە ازيا بىرىنشىلىكتەرىنەن ۇلتتىق قۇراما سپورتشىلارى ريو وليمپياداسىنا 7 جولداما السا، ونىڭ 4 ءۋى وڭتۇستىكتىكى. ەسكە سالا كەتەيىك، قاراشا ايىنىڭ باسىندا وڭىرىمىزدە بايداركا جانە كانوەدا ەسۋدەن وقۋ جاتتىعۋ بازاسىنىڭ سپورت عيماراتى اشىلعان بولاتىن. 130 ادامعا ارنالعان وقۋ جاتتىعۋ ورنى ەلىمىزدە تەڭدەسى جوق امبەباپ كەشەن بولىپ تابىلادى.