پەتروپاۆلدا ءۇش بالانى جاراقاتتاعان 9-سىنىپ وقۋشىسى 2 ايعا قاماۋعا الىندى
سولتۇستىك قازاقستان وبلىستىق سوتى باسپا ءسوز قىزمەتىنىڭ مالىمەتىنشە، 15-اقپاندا پەتروپاۆل قالاسىنىڭ مامانداندىرىلعان تەرگەۋ سوتى كامەلەتكە تولماعان د. -نى 2 اي قاماۋدا ۇستاۋ جونىندە سانكسيا بەردى.
«ق ر قىلمىستىق-پروتسەسسۋالدىق كودەكستىڭ 201-بابىنا سايكەس سوتقا دەيىنگى تەرگەپ- تەكسەرۋدىڭ باسقا دەرەكتەرى جاريا ەتىلۋگە جاتپايدى»، - دەلىنگەن حابارلامادا.
ەستەرىڭىزگە سالايىق، 13-اقپان كۇنى پەتروپاۆلداعى №4-ورتا مەكتەپتىڭ 9-سىنىپ وقۋشىسى مەكتەپكە قارۋلانىپ كەلىپ، وزىمەن قاتارلاس ءۇش وقۋشىنى جاراقاتتادى.
كەيىن بەلگىلى بولعانداي، مەكتەپكە بالتا-پىشاق اكەلىپ، بالالارعا تاپ بەرگەن وقۋشى دارىگەرلەردىڭ پسيحياتريالىق ەسەبىندە تۇرعان.
زارداپ شەككەن ەكى بالاعا شۇعىل تۇردە وتا جاساۋعا تۋرا كەلدى. 14-اقپان كۇنى ولار جانساقتاۋ بولىمىنەن پالاتاعا اۋىستىرىلدى. جاعدايلارى تۇراقتى، ومىرلەرىنە كەلەر قاۋىپ جوق.
ىشكى ىستەر ءمينيسترى وقيعانىڭ قالاي بولعانىن ايتىپ بەردى.
بالالاردىڭ قۇقىعىن قورعاۋ كوميتەتىنىڭ ءتوراعاسى ناسىمجان وسپانوۆا پەتروپاۆل مەكتەبىندە بولعان شابۋىلدى تەكسەرۋ ناتيجەسىندە انىقتالعان الدىن الا دەرەكتەردى جاريالادى.
