التى جىلدا 9 دەپۋتات پەن 23 سۋديا زاڭ بۇزعان
Ranking.kz دەرەگىنشە، 2015-2021 -جىلدار ارالىعىندا ىشكى ىستەر مينيسترلىگىنىڭ لاۋازىمدى تۇلعالارى قۇقىقبۇزۋشىلىق ارەكەتتەرىن ءجيى جاساعان.
ولارعا قاتىستى جىلىنا ورتا ەسەپپەن 516 قىلمىستىق ءىس قوزعالادى. ياعني، اپتاسىنا بۇل ۆەدومستۆانىڭ 10 عا جۋىق قىزمەتكەرى زاڭ بۇزادى. 2015 -جىلدان باستاپ ءى ءى م-نىڭ قىزمەتكەرلەرى جاساعان ەڭ ءجيى قۇقىق بۇزۋشىلىقتار - پارا الۋ (%26)، الاياقتىق (%16) جانە ءوز وكىلەتتىلىگىن اسىرا پايدالانۋ (%8).
ال، 2015-2021 -جىلدار ارالىعىندا لاۋازىمدىق قۇقىق بۇزۋشىلىق جاساعان 23 سۋدياعا قاتىستى ءىس قوزعالىپتى. وسى ارالىقتا پارلامەنتتىڭ قوس پالاتاسىنىڭ دەپۋتاتتارى 9 رەت قۇقىق بۇزعان.
زاڭعا قاراما-قايشى ارەكەتتەر تۋرالى ەڭ از فاكتىلەر سىبايلاس جەمقورلىققا قارسى ءىس-قيمىل اگەنتتىنىڭ لاۋازىمدى تۇلعالارى اراسىندا تىركەلىپتى. انتيكوردىڭ وكىلەتتتى تۇلعالارى سوڭعى بەس جىلدا 5 قۇقىقبۇزۋشىلىق جاساعان. ولاردىڭ ىشىندە سەنىپ تاپسىرىلعان وزگەنىڭ مۇلىگىن زاڭسىز يەمدەنۋ بويىنشا 2، جول ەرەجەسىن بۇزعان 1 جانە وزگە دە زاڭسىزدىق فاكتىلەرى انىقتالعان.
