قىتاي مەكتەبىنە شابۋىل جاسالدى: 9 وقۋشى قازا بولىپ، 10 ى اۋرۋحانادا

استانا. قازاقپارات - قىتايدىڭ شانشي پروۆينتسياسىنداعى ميچجي اۋدانىنىڭ مەكتەبىندە قاندى وقيعا ورىن الىپ، 9 وقۋشى قازا بولدى، تاعى 10 ادام زارداپ شەكتى، دەپ حابارلايدى قازاقپارات.

شينحۋا اگەنتتىگىنىڭ حابارلاۋىنشا، 1990-جىلعى ەر ازامات 27- ءساۋىر كۇنى كەشقۇرىم اۋداندىق 3№ ورتا مەكتەپ وقۋشىلارىنا پىشاقپەن شابۋىل جاسادى.

زارداپ شەككەن وقۋشىلاردىڭ 7 ەۋى وقيعا ورنىندا كوز جۇمسا، تاعى 2 ەۋى اۋرۋحانادا جان تاپسىرعان. قازىر دارىگەرلەر اۋىر جاراقات العان 10 وقۋشىنىڭ ءومىرىن ساقتاپ قالۋعا تىرىسۋدا.

جەرگىلىكتى پوليتسيانىڭ ايتۋىنشا، 28 جاستاعى قاندىقول قىلمىسكەر كوپ كەشىكپەي قولعا ءتۇستى. ودان جاۋاپ الىنۋدا. انىقتالعانداي، ول وسى مەكتەپتە وقىعان جانە سىنىپتاستارىنان ۇدايى الىمجەتتىك كورىپ كەلگەن. ءوزىنىڭ بۇل ارەكەتىن «كەك الۋمەن» تۇسىندىرگەن.

تەرگەۋ ءجۇرىپ جاتىر.

اۆتور: مۇحتار قاليموللا ۇلى