قىزىلوردا سوتى قايرات ساتىبالدىنىڭ بۇرىنعى ايەلى گۇلميرا ساتىبالدىنى 8 جىلعا باس بوستاندىعىنان ايىردى
سونىمەن قاتار، ول سوت ۇكىمىمەن 10 جىل بويى كوممەرتسيالىق ۇيىمداردا باسشىلىق قىزمەت اتقارا المايدى.
قىزىلوردا قالاسىنىڭ №2 سوتىندا ءبىر توپ بولىپ الدىن الا ءسوز بايلاسىپ، سەنىپ تاپسىرىلعان بوتەن مۇلىكتى تالان- تاراجعا سالىپ، اسا ءىرى مولشەردە جىمقىرعان (ق ك- ءنىڭ 189-بابى 4-بولىگىنىڭ 2-تارماعى) 7 سوتتالۋشىنىڭ ءىسى قارالدى.
وبلىستىق سوتتىڭ باسپا ءسوز قىزمەتىنىڭ حابارلاۋىنشا، سوتتالۋشى س. 2018-2020 -جىلدار ارالىعىندا قىزىلوردا قالاسىنداعى سىرداريا وزەنىنىڭ سول جاعالاۋى بولىگىن جىلۋمەن جابدىقتاۋ جۇمىس جوباسى بويىنشا جۇمىس اتقارماي، الدىن الا ءسوز بايلاسىپ، سەنىپ تاپسىرىلعان بوتەن مۇلىكتى اسا ءىرى مولشەردە جىمقىرعان.
ال سوتتالۋشىلار ب، ج، ە، ق. مەملەكەتتىك فۋنكسيالاردى ورىنداۋعا ۋاكىلەتتىك بەرىلگەن تۇلعالار بولا تۇرا، ءبىر توپ بولىپ الدىن الا ءسوز بايلاسىپ، قىزمەت بابىن پايدالانۋمەن ۇشتاستىرىپ، اسا ءىرى مولشەردە سەنىپ تاپسىرىلعان بوتەن مۇلىكتى تالان- تاراجعا سالۋ ارقىلى جىمقىرعان.
سوتتالۋشىلار د. مەن ب. اتقارىلماعان جۇمىسقا وتكىزۋ اكتىسىن جاساقتاپ قول قويعان.
سوتتالۋشىلاردىڭ قىلمىستىق ءىس- ارەكەتىنەن مەملەكەتكە 441 ميلليون تەڭگە زيان كەلگەن.
سوتتالۋشىلاردىڭ كىناسى سوتتالۋشى ب- نىڭ كىنانى مويىنداۋ تۋرالى ارىزىمەن، قۇرىلىس نىسانىنا قاتىستى جۇرگىزىلگەن سوت- تاۋارتانۋ جانە سوت- ەكونوميكالىق ساراپتاماسىمەن، «ا» ج ش س بۋحگالتەرى، ەسەپشىسى، قۇرىلتايشىلارىنىڭ بەتتەستىرۋ جاۋاپتارىمەن دالەلىن تاپتى.
پروكۋرور سوتتالۋشى س- نى - 8، ب، ج، ە، ق- نى 7 جىلعا باس بوستاندىعىنان ايىرۋدى، ال د. مەن ب- عا - 7 جىل شارتتى جازا بەرۋدى سۇرادى.
سوتتالۋشىلاردىڭ ادۆوكاتتارى ولاردى اقتاۋدى سۇرادى.
ناقتىراق ايتقاندا، ق ك- ءنىڭ 189-بابى 4-بولىگىنىڭ 2-تارماعىنىڭ سانكسياسىندا 7 جىلدان 12 جىلعا دەيىن باس بوستاندىعىنان ايىرۋ جازاسى كوزدەلگەن.
«سوتتالۋشى س. ق ك- ءنىڭ 189-بابى 4-بولىگىنىڭ 2-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلىپ، 8 جىلعا باس بوستاندىعىن ايىرۋ جازاسى تاعايىندالدى. سوتتالۋشى س- نىڭ بيىلعى 4 -ساۋىردەگى استانا قالاسى بايقوڭىر اۋداندىق №2 سوتىنىڭ ۇكىمىن (7 جىل) ەسكەرە وتىرىپ، ق ك- ءنىڭ 58-بابى 3,6-بولىكتەرىنە سايكەس، ونشا قاتاڭ ەمەس جازانى نەعۇرلىم قاتاڭ جازاعا ءسىڭىرۋ ارقىلى، تۇپكىلىكتى جازا رەتىندە 8 جىلعا باس بوستاندىعىن ايىرۋ جازاسى تاعايىندالدى»، - دەپ ءمالىم ەتتى وبلىستىق سوتتان.
ۆەدومستۆو مالىمەتىنشە، ب، ج، ە. جانە ق- عا مەملەكەتتىك قىزمەتتە لاۋازىم اتقارۋ قۇقىعىنان ءومىر بويىنا ايىرىلدى جانە 7 جىلعا سوتتالدى.
ب. جانە د- عا 7 جىلعا باس بوستاندىعىن ايىرۋ جازاسى تاعايىندالدى.
ولاردىڭ جازاسىن جەڭىلدەتەتىن ءمان- جايىن بارىن، اۋىرلاتاتىن ءمان- جايىن جوعىن ەسكەرىپ، تاعايىندالعان جازا ق ك 63-بابىنا سايكەس شارتتى دەپ بەلگىلەندى.
مەملەكەتكە كەلگەن 441 ميلليون تەڭگە شىعىن تولىق وندىرىلگەن.
سوت ۇكىمى زاڭدى كۇشىنە ەنبەگەن.
ەسكە سالا كەتەيىك، بۇعان دەيىن ەلوردانىڭ بايقوڭىر اۋداندىق سوتى ەكس- پرەزيدەنت نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ بۇرىنعى ايەلى گۇلميرا ساتىبالدىنى 7 جىلعا سوتتاعان ەدى.
اۆتور:
ءادىلجان ۇمبەت
