تۇركياداعى جەر سىلكىنىسىنە بايلانىستى 8 ادام قاماۋعا الىندى
شانلىۋرفا ايماعىندا 8 ادام قاماۋعا الىندى. وعان جەر سىلكىنىسى كەزىندە قيراعان عيماراتتار قۇرىلىسىنان انىقتالعان ولقىلىقتار سەبەپ بولىپ وتىر.
بۇعان دەيىن حاتاي قالاسىندا جەر سىلكىنىسى كەزىندە قۇلاعان Rönesans Rezidans تۇرعىن ءۇي كەشەنىنىڭ ساۋلەتشىسى مەحمەت ياشار دجوشكۋننىڭ ىستانبۇل اۋەجايىندا ۇستالعانى حابارلانعان ەدى. جەرگىلىكتى ب ا ق ءمالىم ەتكەندەي، ول شەتەلگە قاشپاق بولعان.
سونداي- اق، «انادولۋ» اگەنتتىگى تاراتقان اقپاراتقا سايكەس، ءزىلزالادان زارداپ شەككەن پروۆينتسيالاردا جەر سىلكىنىسىنە قاتىستى قىلمىستاردى تەرگەۋ جونىندەگى بولىمدەر قۇرىلادى.
ەسكە سالساق، 6 -اقپاندا تۇركيادا جەتى بالدان اساتىن ەكى جەر سىلكىنىسى بولدى (جەرگىلىكتى ۋاقىت بويىنشا 4:17-دە - 7,7 بالل جانە 13:24-تە - 7,6 بالل). جۇزدەگەن افتەرشوكپەن جالعاسقان جەراستى ءدۇمپۋى ەلدىڭ 10 پروۆينتسياسىندا، سونداي- اق كورشىلەس مەملەكەتتەردە دە سەزىلدى. ەپيتسەنترى كاحرامانماراش قالاسىندا بولعان جەر سىلكىنىسىنەن زارداپ شەككەندەردىڭ سانى 20 مىڭنان استى، 80 مىڭنان استام ادام زارداپ شەكتى.
قازاقستان توتەنشە جاعدايلار مينيسترلىگىنىڭ قۇتقارۋشىلارى تۇركيادا ىزدەستىرۋ- قۇتقارۋ جۇمىستارىن جۇرگىزىپ جاتىر. ولار 7 ادامدى قۇتقارىپ، مەديتسينا قىزمەتكەرلەرىنە تاپسىردى. قايتىس بولعان 19 ادامنىڭ، ونىڭ ىشىندە ءبىر بالانىڭ دەنەسى ءۇيىندى استىنان شىعارىلدى.
فوتو انادولۋ سايتىنان الىندى
اۆتور
گۇلنۇر عازيز قىزى