ەلوردانىڭ قابانباي باتىر كوشەسى 8 جولاقتى بولۋى كەرەك - ساۋلەتشى
«2019-جىلدان بەرى استاناداعى قابانباي باتىر كوشەسىن كۇردەلى جوندەۋدىڭ اۋقىمدى جوباسى جوسپارلانىپ جاتقانى بەلگىلى. سىزبادان جوبا قۇنى 92 ميلليارد تەڭگە بولاتىنى انىقتالعان. ءبىراق 2022-جىل بولسادا، جوبا ءالى قولعا الىنباي جاتىر. بۇل ارالىقتا قۇنى قىمباتتاپ تا ۇلگەردى. جوبانىڭ تاعدىرى نە بولادى؟ نەگە ىسكە اسپاي جاتىر»، - دەپ سۇرادى ب ا ق وكىلى دوڭگەلەك ۇستەل وتىرىسىنا قاتىسۋشى ساۋلەتشىلەردەن.
«ءيا، قابانباي باتىر كوشەسىن كەڭەيتۋ جوباسى بولعان. ونىڭ ىشىندە كوشەنى ەسىل وزەنىنەن باستاپ اۋەجايعا دەيىن كەڭەيتىپ شىعۋ جوسپارلانعان. ول جوبانىڭ ىشىنە سيركتىڭ ماڭىنان، قورعالجىڭ كوشەسىنىڭ تۇسىنان، تۇران كوشەسى جاعىندا ايىرىقتار سالۋ شارالارى دا ەنگىزىلگەن. جالپى العاندا، كوشەنىڭ بويىنا بىرنەشە ايىرىق سالىنۋ كەرەك ەدى. اقپارات تاراتۋدا قاتەلىك كەتتى دە، جوبانىڭ قۇنى جاريالانعان كەزدە ءوزىم دە شوشىپ قالدىم. ءبىراق ول جوبانىڭ ىشىنە ءۇڭىلىپ ەسەپتەسەڭ، تيىن بولىپ قالادى. قازىر قارسىلىقتان جاسقانىپ، توقتاتىپ قويعان سياقتى. انىعىن بىلمەيمىن. ءبىراق قابانباي باتىر كوشەسىن كەڭەيتىپ سالىپ شىعۋ كەرەك»، - دەدى ساۋلەتشى عالىم.
ونىڭ ايتۋىنشا، بوتانيكالىق باقتىڭ كەسىرىنەن قابانباي باتىر كوشەسىنە پاراللەل ورنالاسقان ەكى كوشەنىڭ نەگىزگى فۋنكتسياسىنا نۇقسان كەلىپ وتىر.
«بوتانيكالىق باق تۇسكەننىڭ كەسىرىنەن ەكى كوشەنى جوعالتىپ الدىق، ساۋران مەن اقمەشىت كوشەلەرى كولىك جۇكتەمەسىن ازايتۋعا تولىق قاتىسپاي قالدى. ەكى كوشەنى جوعالتقاندىقتان، كورشى كوشەلەردى كۇشەيتۋ كەرەك. ال سىننان قورقىپ، وسى كۇيىندە قالدىرۋعا بولمايدى. قابانباي باتىر كوشەسىن 8 جولاقتى ەتىپ سالۋ كەرەك. باس جوسپاردىڭ تالابى سونداي»، - دەدى سارسەنبەك ءجۇنىسوۆ.
اتالعان شارادا ساۋلەتشىلەر وداعىنىڭ باسشىسى شىمكەنتتە يپپودروم ورنىنا ءۇيدىڭ سالىنۋىن سىناعان ەدى. سونداي-اق ول استاناداعى LRT قۇرىلىسىنىڭ 1-كەزەڭىن اياقتاپ، جوبانى 5-كەزەڭگە دەيىن جالعاستىرۋدى ۇسىندى.
