ادامعا تەمىر جەتپەيتىنىن بىلدىرەتىن 8 بەلگى
ال گەموگلوبين - قانعا تۇسكەن وتتەگىنى تاسىمالدايتىن، وكپەدەن دەنە مۇشەلەرىنە جەتكىزەتىن بولشەك. قاننىڭ اقۋىز قىزىل بولشەگى.
ودان بولەك تەمىر ادامنىڭ يممۋنيتەتىن كوتەرۋگە، ەنەرگيا بولۋگە، دنك سينتەزىنە، بۇلشىق ەت جۇمىسىنا، قالقانشا بەز گورمونىنىڭ بولىنۋىنە قاتىسادى.
سوندىقتان اعزاداعى تەمىر مولشەرىنە قاراۋ وتە ماڭىزدى. ال اعزاعا تەمىر جەتپەيتىنىن قالاي بىلەمىز؟
ول ءۇشىن ۇلى بريتانيا ديەتولوگى روب حوبسوننىڭ Express باسىلىمىنا بەرگەن سۇحباتىندا ايتىلعان كوپ بىلىنە بەرمەيتىن بەلگىلەرىن اتاپ وتەيىك.
السىزدىك، اياق استى السىزدىك. اعزاعا تەمىر جەتىسپەسە، گەموگلوبين تەز ءتۇزىلىپ ۇلگەرمەيدى. ال گەموگلوبيندى وتتەگى تاسىمالداۋشى بولشەك ەكەنىن جوعارىدا ايتتىق. ەندەشە گەموگلوبين جەتىسپەسە - اعزاعا وتتەگى جەتپەي، تىنىس تارىلادى. جۇرەككە سالماق ءتۇسىپ، قاندى قاتتى ايداۋعا كوشەدى. ال وتتەگى جەتپەگەن سوڭ، بۋىن مەن بۇلشىق ەت قۋاتىنان ايىرىلىپ، سودان السىزدىك باستالادى.
اققۇبا، بوزارعان ءتۇر. بەت- الپەت سۇرلانعان، بوزارعان كۇيگە ەنسە، ءتىس پەن قاباقتىڭ، تىرناقتىڭ استى اعارا باستاسا - بۇل تەمىر جەتپەۋدىڭ بەلگىسى. قاندا گەموگلوبين ازايىپ كەتكەندىكتەن، قاننىڭ قانىق قىزىل ءتۇسى سولا باستايدى. سودان اعزانىڭ تۇكپىر تۇستارىنا قان جەتپەي قالۋى مۇمكىن.
باس اۋرۋ مەن باس اينالۋ. دارىگەردىڭ ايتۋىنشا، بۇل دا گەموگلوبينگە بايلانىستى بەلگى. ياعني، قاندا گەموگلوبين از بولعان سوڭ، باسقا وتتەگى جەتپەي، قان قىسىمى پايدا بولادى. سودان قان تامىرى ىسىنەدى. باس اۋرۋى سودان پايدا بولادى.
ەنتىگۋ. بۇل تۇسىنىكتى. ادامعا اعزاسىنا وتتەگى جەتپەگەسىن ونى تولتىرۋ ءۇشىن دەمىگىپ تىنىس الاتىنى انىق.
بەت- الپەت پەن شاش قۇرعاۋى. ءبارى وتتەگىنىڭ جەتىسپەۋىنەن شىعادى. باسقا وتتەگى جەتپەگەسىن قۇيقاعا وتتەگى جەتپەي، قۇرعاپ كەتەدى. ونىڭ ۇستىنە، تەمىر - شاشتىڭ وسۋىنە قاجەت ميكروەلەمەنت. ول جەتپەسە، شاش تۇسەدى.
كوپ ينفەكتسيا. تەمىر اعزانىڭ يممۋنيتەتىن قالىپتاستىرۋعا كومەكتەسەدى. ليمفوتسيت ازايعان يممۋندى جاسۋشا ينفەكسياعا قارسى تۇرا المايدى. سودان اعزادا ينفەكتسيا كوبەيىپ كەتەدى.
كوڭىل- كۇي ءتۇسۋ. تەمىر باقىت گورمونى - ءدوفاميندى بولىسۋگە قاتىسادى. ول ازايسا، ادامدا كوڭىل- كۇي بولمايدى.
جەرىك بولۋ. اعزاسىندا تەمىر از ادام ءبىر ءتۇرلى زاتتارعا جەرىك بولادى. مۇز، بالشىق، بور، قاعاز بەن اك جەۋ - وسىنىڭ بەلگىسى.
اقپارات دەرەككوزى: https://massaget.kz