رەسەيدە كوروناۆيرۋستان كوز جۇمعاندار سانى 8 مىڭنان استى
بۇل تۋرالى قازاقپارات تاسس اگەنتتىگىنە سىلتەمە جاساپ حابارلايدى.
اگەنتتىكتىڭ مالىمەتى بويىنشا رەسەيدە جاڭا كوروناۆيرۋس ينفەكتسياسىن جۇقتىرعانداردىڭ جالپى سانى 576952 ادامعا جەتتى. ءتورت كۇن بويى تاۋلىكتىك ءوسىم %1,4 دەڭگەيىندە تۇر. ەڭ از ءوسىم ماسكەۋدە (%0,5) تىركەلگەن.
ەل استاناسىندا ءتورت كۇن بويى بۇل كورسەتكىش ساقتالىپ وتىر. ماسكەۋدە ءبىر تاۋلىكتە 1057 جاڭا وقيعا انىقتالدى. سونداي-اق، ەڭ از ءوسىم قارقىنى سولتۇستىك وسەتيادا (%0,8)، تاتارستاندا (%0,9)، ينگۋشەتيادا (%1) جانە ەۆرەي اۆتونومدى وكرۋگى (ا و) (%1) تىركەلگەن.
اۋرۋ جۇقتىرۋدىڭ 280 جاڭا جاعدايى حانتى- مانسى اۆتونومدى وكرۋگىندە، سانكت - پەتەربۋرگتە 232, نيجەگورود وبلىسىندا 228 جانە سۆەردلوۆسك وبلىسىندا 224 جاڭا كوروناۆيرۋس جۇقتىرۋ وقيعاسى انىقتالدى.
رەسەيدە قازىرگى ۋاقىتتا 234358 ادام ەم قابىلداۋدا. ءبىر تاۋلىكتە ەمدەلۋشىلەردىڭ سانى 10186 ادامعا ءوستى. 334592 ادام ساۋىعىپ اۋرۋحانادان شىقتى. ر ف- دا ساۋىعىپ شىققانداردىڭ سانى كوروناۆيرۋستى جۇقتىرعانداردىڭ جالپى سانىنىڭ %58 ىن قۇرايدى.
ءبىر تاۋلىك ىشىندە ماسكەۋدە 2115، سانكت- پەتەربۋرگتە 794، سۆەردلوۆسك وبلىسىندا 299، نيجەگورود وبلىسىندا 282 جانە چەليابى وبلىسىندا 248 ناۋقاس ەمدەلىپ شىقتى. رەسەيدە كوروناۆيرۋستان تاۋلىك ىشىندە 161 ادام قايتىس بولدى.