قىتاي 8 كۇندە سالىنعان اۋرۋحانانى پايدالانۋعا بەرگەلى جاتىر

ۋحان. قازاقپارات - قىتايدا ۆيرۋس جۇقتىرعاندار سانى ارتىپ جاتقاندىقتان، مەملەكەت بيلىگى كوروناۆيرۋس وشاعى سانالاتىن ۋحان قالاسىنىڭ ورتالىعىنان جاڭا اۋرۋحانانى اشۋدى جىلدامداتپاق، دەپ حابارلايدى قازاقپارات BBC - گە سىلتەمە جاساپ.

«مىڭ ورىندىق اۋرۋحانا نەبارى سەگىز كۇندە سالىندى. بۇل - كوروناۆيرۋسپەن كۇرەسۋگە ارنالعان ەكى مەكەمەنىڭ ءبىرى. قازىرگى تاڭدا قىتايدا ۆيرۋس جۇقتىرعاندار سانى 17 مىڭنان استى. ال كوروناۆيرۋستان 361 ادام قازا تاپتى»، دەپ جازادى باسىلىم.

اۆتوردىڭ جازۋىنشا، قىتايدان تىس جەردە ۆيرۋس جۇقتىرعاندار سانى - 150 ادام.

«حۋبەي پروۆينتسياسىنداعى اۋرۋحانالار لىق تولى. سول سەبەپتى جاڭا اۋرۋحانانى پايدالانۋعا بەرۋ ۋاقىتى جىلدامداتىلادى»، دەپ جازادى باسىلىم.