ارتىق سالماق قوسپايتىن قىزداردىڭ 8 قۇپياسى
نەلىكتەن كەيبىر قىز-كەلىنشەكتەر ارتىق سالماق جيناۋعا بەيىم كەلەدى، ال، كەيبىرى مۇلدە كەرىسىنشە؟!
بۇل ساۋالدارعا ernur.kz جاۋاپ بەرەدى.
ۇيقى قانعان جاعدايدا كوپ ماسەلەلەر شەشىلەدى. دەنە - ءبىتىمى ۇنەمى ءبىر قالىپتا جۇرەتىن قىزدار وسىنى جاقسى بىلەدى. ولار تۇندە ۇيقىعا كەش جاتسا، تاڭەرتەڭ ەرتە تۇرمايدى. سونداي-اق تۇندە ۇيقىسى بۇزىلعان بولسا، ەرتەڭىنە ءتۇس مەزگىلىندە ۇيىقتاپ الۋعا تىرىسادى. وسىلايشا بۇل بيكەشتەر سوزىلمالى شارشاۋ مەن ۇيقىنىڭ قانباۋىنا جول بەرمەيدى. سوندىقتان دا ەنەرگياعا باي بولادى. ال شارشاۋ ادام ۇيقىنى اشۋ ءۇشىن كوفە مەن ءتاتتى تورت نەمەسە شوكولاد جەيتىنى بەلگىلى.
ءوز قالاۋىن ورىندايدى
ءوز قالاۋىن تەك تاعامنان ىزدەمەيدى. ءومىرىنىڭ قىزىقتى وتۋىنە ءمان بەرىپ، ساياحاتقا شىعادى، سەرۋەندەيدى، دوستارىمەن كەزدەسەدى. ءتىپتى، ءوز جانىنا جاقىن ىسپەن شۇعىلدانىپ، حوببيىمەن اينالىسۋى دا مۇمكىن. ءوزىڭىزدى قۋانتۋعا وسىنداي جاعدايلار جاساساڭىز، ارتىق تاماقتانۋدىڭ قاجەتى دە بولماي قالادى.
ديەتا ۇستامايدى
قاتال ديەتالارعا وتىرىپ، ءوزى قالاعان تاعامنان باس تارتۋ بۇل قىزدارعا ارنالماعان. ولار قاي ۋاقىتتا نە قالايدى، قانداي تاعامدى جەگىسى كەلسە، سونى جەيدى. تورتتان دا اۋىز ءتيۋى مۇمكىن. ءبىراق، تولىقتىققا بەيىم قىزدار سەكىلدى ءبىر تورتتى ءبىر ءوزى جەي سالمايدى. ءبىر كەسەگىن جەگەننەن كەيىن توقتاي الادى.
ەشقاشان اسىقپايدى
ولار تاماقتى اسىقپاي-اپتىقپاي، ءبىر قالىپتى وتىرىپ ىشەدى. تاعامنىڭ ءدامىن سەزىنىپ، راحاتتانا وتىرىپ تاماقتانادى. ويتكەنى فيگۋراسى كەلىستى ارۋلار اسقازانعا تاعامنىڭ تۇسكەنىن ميدىڭ تەك 20 مينۋتتان كەيىن عانا قابىلدايتىنىن ءبىلىپ، ومىردە عالىمداردىڭ وسىنداي زەرتتەۋلەرىنە سۇيەنگەندى قالايدى. بۇعان سەنەتىندەرى دە سەنبەيتىندەرى دە بار. دەگەنمەن، تاعامدى اسىقپاي جەۋگە تىرىساتىنىن ەستە ۇستاۋىمىز كەرەك.
قارنى اشقان كەزدە عانا تاماقتانادى
ولار قارنىنىڭ اشپاعانىنا قاراماستان قۇربىسىمەن نەمەسە ارىپتەستەرىمەن، جولداسىمەن جاي عانا ءبىر ۇستەلدىڭ باسىندا سەرىك بوپ وتىرعانى ءۇشىن تاماقتانا سالمايدى. مۇندايدا ولار ليمون سالىنعان قاراپايىم سۋ نەمەسە شاي ءىشىپ وتىرۋى عاجاپ ەمەس.
تىنىم تاپپايدى
سالماق قوسپايتىن قىزدار ادەتتە كوپ جاياۋ جۇرەدى ەكەن. سونىمەن قاتار ءبي بيلەپ، كەشكىلىك ۋاقىتتا سەرۋەندەۋدى ادەتكە اينالدىرعان. ولار فيتنەس وتالىقتارىنا بارۋعا دا قينالمايدى. وزىنە ۇنايتىن سپورتپەن شۇعىلدانىپ، وزىنە ۇنايتىن ىسپەن اينالىسادى.
كۇيزەلىسپەن كۇرەسۋدى بىلەدى
تولىقتىققا بەيىم قىزدار كوبىنە سىرىن ىشىنە جاسىرىپ، كۇيزەلىسكە شالدىعىپ جاتادى. مۇنى ولاردىڭ وزدەرى سەزبەۋى دە مۇمكىن. ءبىراق ۇنەمى كۇيزەلىستىك جاعدايدا جۇرەتىندىكتەن ولار تاماقتى اسىرا جەپ، وزدەرىن باسقارا المايدى.
ال سىمباتتى قىزدار ويىن اشىق ايتىپ، كۇيزەلىستەن شىعۋدىڭ جولدارىن ىزدەيدى. كۇيزەلىستەن قۇتىلۋدىڭ بىردەن ءبىر جولى - ءبىر كەسەك شوكولاد دەپ ويلامايدى.
وزدەرىن ۇستامدىلىققا تاربيەلەيدى
قانشا ايتساق تا ادامنىڭ ارتىق ماي جيناۋىنا تاعامنىڭ كالورياسى اسەر ەتەدى. ال ارتىق سالماق قوسپايتىن قىزدار قاي ۋاقىتتا بولماسىن ءوز-وزدەرىن قولعا الا الادى.
ءوزىنىڭ ەڭ سۇيىكتى تاعامىن الدىنا قويسا دا ولار ارتىق جەمەيدى. ال جەپ قويعان جاعدايدا تەز ارادا ارتىق مايمەن كۇرەسىپ، ونى جويۋعا تىرىسادى.
بوساڭسۋ دەگەندى بىلمەيتىن مۇنداي قىزدار تۇرمىسقا شىعىپ، بالالى بولعاننان كەيىن دە ءمۇسىنىنىڭ ءدال سولاي ساقتالۋىن قاداعالايدى. مىنە، سوندىقتان دا ولار ەشقاشان ارتىق سالماق قوسپايدى.