قازگيدرومەت: 8- اقپان كۇنى ەل وڭىرلەرىندە اياز ساقتالادى

باتىستا، سولتۇستىك- باتىستا، كۇندىز سولتۇستىكتە جاۋىن-شاشىن بولادى. كەي وڭىرلەردە تۇمان، كوكتايعاق، بۇرقاسىن، ەكپىندى جەل بولجانادى، دەپ حابارلايدى قازاقپارات.

«قازگيدرومەتتىڭ» مالىمەتىنشە، كۇندىز سولتۇستىك قازاقستان وبلىسىندا جەلدىڭ ەكپىنى 15-20، كەي جەرلەردە 25 م/س دەيىن كۇشەيەدى، بۇرقاسىن بايقالادى.

اتىراۋ، باتىس قازاقستان وبلىستارىنىڭ كەي جەرلەرىندە تۇمان، كوكتايعاق بولجانادى، تۇندە جەل 15-20 م/س جەتەدى. باتىس قازاقستان وبلىسىندا جاياۋ بۇرقاسىن بولادى.

اقتوبە، قوستاناي، كۇندىز اقمولا وبلىسىنىڭ كەي جەرلەرىندە جاياۋ بۇرقاسىن ءجۇرىپ، جەلدىڭ جىلدامدىعى 15-20 م/س ارتادى. قوستاناي وبلىسىنىڭ جەكەلەگەن اۋماقتارىن تۇمان باسادى.

تۇركىستان، مانعىستاۋ وبلىستارىنىڭ كەي جەرلەرىندە تۇندە جانە تاڭەرتەڭ جەل 15-20 م/س كۇشەيەدى. تۇركىستان وبلىسىنىڭ جەكەلەگەن اۋماقتارىندا تۇمان بولادى.

الماتى،  قىزىلوردا، جامبىل، پاۆلودار وبلىستارىندا، تۇندە جانە تاڭەرتەڭ شىعىس قازاقستان وبلىسىنىڭ كەي جەرلەرىندە تۇمان بايقالادى.

اقمولا، الماتى، شىعىس قازاقستان وبلىستارىندا، قاراعاندى، سولتۇستىك قازاقستان وبلىستارىنىڭ كەي جەرلەرىندە قاتتى اياز ساقتالادى.