قاراشانىڭ 8- كۇنىنە ارنالعان اۋا رايى بولجامى

استانا. قازاقپارات - بۇگىن قازاقستاننىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى قۇبىلمالى اۋا رايى ساقتالىپ، جاڭبىر جاۋادى.

تەك ەلىمىزدىڭ باتىسىندا جاۋىن-شاشىن بولمايدى. كەي جەرلەردە ەكپىندى جەل سوعىپ، تۇمان، كوكتايعاق بولادى، سولتۇستىك وڭىردە بۇرقاسىن ساقتالادى.

بۇل تۋرالى «قازگيدرومەت» ر م ك باسپا ءسوز قىزمەتى حابارلايدى.

اقمولا، قوستاناي، سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە تۇمان، كوكتايعاق كۇتىلەدى، جەلدىڭ جىلدامدىعى 15-20 م/س- عا دەيىن كۇشەيەدى، اقمولا وبلىسىنىڭ كەي جەرلەرىندە بۇرقاسىن بولادى.

الماتى، تۇركىستان وبلىستارىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيىپ، تۇندە الماتى وبلىسىنىڭ كەي جەرلەرىندە تۇمان تۇسەدى.

قاراعاندى، پاۆلودار وبلىستارىندا تۇمان، كوكتايعاق كۇتىلەدى، كۇندىز قاراعاندى وبلىسىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيەدى.

قىزىلوردا، جامبىل، ماڭعىستاۋ، باتىس قازاقستان وبلىستارىنىڭ كەي جەرلەرىندە تۇمان كۇتىلەدى، كۇندىز جامبىل وبلىسىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيەدى.