سينوپتيكتەر قىركۇيەكتىڭ 8 نە ارنالعان اۋا رايى بولجامىن جاريا ەتتى
وسىعان قاراي قازاقستاننىڭ ەداۋىر بولىگىندە كۇن اشىق. تەك ەلدىڭ سولتۇستىگىندە، ورتالىعى مەن شىعىسىندا جاۋىن جاۋۋى ىقتيمال.
«قازگيدرومەت» ر م ك- نىڭ مالىمەتتەرى بويىنشا، كەي جەرلەردە جەل تۇرىپ، وڭتۇستىكتە شاڭدى داۋىل كوتەرىلەدى. تۇندە جانە تاڭ اتا تۇمان تۇسەدى. جامبىل وبلىسىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن سوعادى، كۇندىز ەكپىنى 23 مەترگە جەتۋى مۇمكىن.
جەلدىڭ سوڭى شاڭدى داۋىلعا ۇلاسۋى ىقتيمال. سولتۇستىك قازاقستان، شىعىس قازاقستان وبلىستارىندا جەلدىڭ جىلدامدىعى سەكۋندىنا 15-20 بولادى، تۇندە جانە تاڭ اتا ءبىرقاتار ايماقتاردا تۇمان تۇسەدى.
قىزىلوردا وبلىسىنىڭ كەي جەرلەرىندە تاڭ اتا جانە كۇندىز جەلدىڭ جىلدامدىعى سەكۋندىنا 15-20 مەترگە جەتەدى جانە ارتى شاڭدى داۋىلعا ۇلاسۋى ىقتيمال. ماڭعىستاۋ، كۇندىز تۇركىستان وبلىسىندا جەلدىڭ جىلدامدىعى سەكۋندىنا 15-20 مەترگە جەتەدى.
قوستاناي وبلىسىندا، تۇندە جانە تاڭ اتا اقمولا، پاۆلودار، قاراعاندى وبلىستارىندا تۇمان ءتۇسۋى ىقتيمال. قىزىلوردا، تۇركىستان، جامبىل، ماڭعىستاۋ وبلىستارى مەن اتىراۋ، باتىس قازاقستان، اقتوبە جانە قاراعاندى وبلىستارىنىڭ كەي جەرلەرىندە ءورت قاۋپى ساقتالادى.
