بولاشاقتا ەل باسقاراتىن 8 جەتكىنشەك

استانا. قازاقپارات - الەمدى باسقارۋ، ارينە، مۇمكىن ەمەس نارسە. ءبىراق ءوز الەمدەرىن، ءوز ەلدەرىن باسقارۋعا قاۋقارى بار، قۇقىعى بار جەتكىنشەكتەر ارامىزدا ءوسىپ كەلەدى.

ولار ۇرپاق ساباقتاستىعىن جالعاستىرۋشى حانزادالار مەن حانشايىمدار. سىزدەرگە كەلەشەكتە تاققا كەلەتىن سەگىز جەتكىنشەك تۋرالى اقپارات بەرەمىز.

جاك ونورە رەنە، موناكونىڭ حانزاداسى (2 جاستا) ەكى جاستاعى حانزادانىڭ اتاعى ءسىزدى بەي- جاي قالدىرماۋى كەرەك. ول -  موناكونىڭ تاق مۇراگەرى، حانزاداسى. 2014 -جىلى 10 جەلتوقساندا دۇنيەگە كەلگەن. ءوزىنىڭ قارىنداسى گابريەلودان ەكى مينۋت بۇرىن ەرتە تۋعان بالانىڭ تاق مۇراگەرى بولۋعا قۇقىعى مول.

 
دجوردج، كەمبريدج حانزاداسى (3 جاستا) دجوردجدىڭ تولىق اتى -  «مارتەبەلى كەمبريدج حانزاداسى دجوردج» . ول تاق مۇراگەرى رەتىندە ءۇشىنشى ۇرپاق بولىپ ساقتالىپ وتىر. وعان دەيىن اتاسى حانزادا چارلز، ودان سوڭ اكەسى حانزادا ۋيليام. ەڭ سوڭعى بولىپ تاققا كەلۋگە قۇقىلى ەندى ۋيلميانىڭ -  ۇلى حانزادا دجوردج.

ەستەل، شۆەتسيا حانشايىمى (4 جاستا) تولىق اتاۋى -  «مارتەبەلى ەستەل سيلۆيا ەۆا مەري، گەرتسوگين ەستەرگەتلاند» . ول حانزادا دانيەليا مەن حانشايىم تاعىنىڭ يەسى ۆيكتوريانىڭ قىزى. ەستەل شۆەتسيا تاريحىنداعى ەڭ ءبىرىنشى تاق مۇراگەرلىگىنە قۇقى بار حانشايىم.

 كريستيان، دانيانىڭ حانزاداسى (11 جاستا) 2005 -جىلى دۇنيەگە كەلگەن كريستيان تاق مۇراگەرى رەتىندە ەلدىڭ ەسىندە قالادى. ول دانيانىڭ الداعى جالعاساتىن عۇمىرىنىڭ تاعىدىرىن شەشۋشى كەلەسى بيلىك باسشىسى بولادى.

لەونور، استۋري حانشايىمى (11 جاستا) لەونوردىڭ تاققا يەلىك ەتۋگە تولىققاندى مۇمكىندىگى جانە زاڭدى قۇقى بار. تەك ارادا ءىنىسى دۇنيەگە كەلگەن جاعدايدا عانا بۇل زاڭ كۇشىن جويماق. ول فەليپە جانە لەتيسيا پاتشالىعىنداعى تۇڭعىش حانشايىم بولادى.

ينگريد الەكساندرا، نورۆەگيانىڭ حانشايىمى (12 جاستا) حانشايىم ءالى ءوز تاعىنا وتىرماسا دا ەندىگى كوپتەگەن ءىستىڭ باسىندا ءجۇر. 2016 -جىلى العاش رەت ليللەحاممەردەگى Ⅱجاسوسپىرىمدەر اراسىنداعى قىسقى وليمپيادانىڭ الاۋىن جاقتى. ال ءوزىنىڭ ەڭ العاشقى ەل الدىنداعى بايانداماسىن 6 جاسىندا جاساعان. تەك حانشايىمدى اتا- اناسى قاراپايىم قىز رەتىندە تاربيەلەيدى. ەل قاتارلى ورتا مەكتەپكە بارادى.

كاتارينا -  اماليا، نيدەرلاندىنىڭ حانشايىمى (14 جاستا) ۆيللەم الەكساندردىڭ ەڭ ۇلكەن قىزى. اناسى -  ماكسيم. ونىڭ تاققا كەلۋىنە ەشكىم ءشۇبا كەلتىرمەيدى. ءتىپتى بەكتىلىپ تە قويعان.

ەليزاۆەتا، بەلگيا حانشايىمى (15 جاستا) بەلگيا زاڭى بويىنشا تاققا پاتشا مەن پاتشايىمنىڭ تۇڭعىشى كەلۋى كەرەك. وسى زاڭ نەگىزىندە ەلدىڭ پاتشاسى فيلليپ پەن حانشايىم ماتيلدانىڭ قىزى ەليزاۆەتا تۇڭعىش پەرزەنت رەتىندە تاققا كەلەدى.

 

Massaget.kz