رەسەيدە مي-8 اپاتىنان مەرت بولعان قازاقستاندىقتاردىڭ وتباسىنا وتەماقى تولەنەدى

استانا. قازاقپارات - رەسەيدە تىكۇشاق اپاتىنان وپات بولعان قازاقستاندىقتاردىڭ جانۇياسىنا 1 ميلليون رۋبل تولەنەدى، ال زارداپ شەككەندەردىڭ وتباسى 500 مىڭ رۋبل الادى.

يامال گۋبەرناتورى دميتري كوبىلكين پۋروۆسك اۋدانىنداعى مي-8 تىكۇشاعىنىڭ اپاتى كەزىندە قازا تاپقان جانە زارداپ شەككەن ۆاحتاشىلاردىڭ وتباسىنا وتەماقى تولەۋ تۋرالى بۇيرىققا قول قويدى، دەپ حابارلادى ريا نوۆوستي.

"يامال گۋبەرناتورى دميتريي كوبىلكين وتەماقىلار تۋرالى بۇيرىققا قويدى. تىكۇشاق اپاتى كەزىندە قازا تاپقانداردىڭ وتباسىنا - 1 ميلليون رۋبل، زارداپ شەككەندەردىڭ وتباسىنا - 500 مىڭ رۋبل بەرىلەدى»، - دەلىنگەن حابارلامادا.

ەسكە سالا كەتسەك، رەسەيدىڭ كراسنويار ايماعىنان يامال- نەنەتسك اۆتونومدى وكرۋگىنە قاراي ۇشىپ بارا جاتقان «سكول» اۋە كومپانياسىنىڭ مي-8 تىكۇشاعى يامال ماڭىنداعى ۋرەنگوي اۋىلىندا اپاتقا ۇشىرادى. تىكۇشاقتا ۇشقىشتار مەن جولاۋشىلاردى قوسا العاندا بارلىعى 22 ادام بولعان. ولاردىڭ تەك 3 ەۋى عانا امان قالدى. ت ج فاكتىسى بويىنشا قىلمىستىق ءىس قوزعالدى.

قازىر قازاقستاندىق ديپلوماتتار رەسەيلىك ارىپتەستەرىمەن بىرىگىپ، مارقۇمداردىڭ دەنەسىن قازاقستانعا جەتكىزۋدى ۇيىمداستىرۋ ماسەلەلەرىن شەشىپ جاتىر.