اقشانىڭ قۇنسىزدانۋى 8 پايىزدان اسپايدى - د. اقىشەۆ

استانا. قازاقپارات - جىلدىق ينفلياتسيا 8 پايىزدان اسپايدى. بۇل تۋرالى بۇگىن «كورپوراتيۆتىك باسقارۋ: قازاقستاننىڭ ينۆەستيتسيالىق تارتىمدىلىعىنا جاڭا كوزقاراستار» اتتى ۇلتتىق فورۋم بارىسىندا ق ر ۇلتىق بانكىنىڭ ءتوراعاسى دانيار اقىشەۆ ءمالىم ەتتى.

«2016 -جىلى قازاقستانداعى ينفلياتسيا باسەڭدەۋ سيپاتىنا يە بولادى. ناتيجەسىندە جىلدىق ينفلياتسيا 8 پايىزدان اسپايدى. ياعني، ۇلتتىق بانك پەن ۇكىمەت ايقىنداعان دالىزگە ورالادى»، - دەدى ول.

ايتا كەتەرلىگى، ۇلتتىق بانك مالىمەتتەرىنە سايكەس، تەڭگە باعامىن تۇزەتۋ 2015 -جىلى ينفلياتسيالىق پروتسەستەردىڭ سول جىلدىڭ ەكىنشى جارتىسىندا باسىمدىقپەن ارتۋىنا اكەلگەن. قورىتىندىسىندا وتكەن جىلعى جىلدىق ينفلياتسيا دەڭگەيى 13,6 پايىزدى قۇراسا، وسى جىلدىڭ اقپان ايىنىڭ سوڭىندا 15,2 پايىزعا دەيىن ارتتى.

«2016 -جىلعى ۇلتىق بانكتىڭ نەگىزگى كۇش- جىگەرى ينفلياتسيانى 6-8 پايىز دالىزدە ۇستاۋعا باعىتتالادى»، - دەدى د. اقىشيەۆ.

اۆتور: مارلان جيەمباي