قازاقستاندىق 8 جاستاعى تەننيسشى ا ق ش- تى تاڭ قالدىردى

استانا. قازاقپارات - جاس قازاقستاندىق تەننيسشى ءوز جەڭىستەرىمەن ا ق ش- تى تاڭ قالدىردى.
None
None

8 جاستاعى  قىزىلوردا وبلىسىنىڭ تۇرعىنى جاقاس قوزباق فلوريدا شتاتىندا وتكەن حالىقارالىق تەننيس تۋرنيرىندە جەڭىسكە جەتىپ، ەندى نيۋ-يورك قالاسىنداعى باسەكەدە وزا شاۋىپ ءجۇر. ءدۇبىرلى دودانىڭ ۇيىمداستىرۋشىلارى جاس سپورتشىنىڭ ويىن ورنەگى الەمگە ايگىلى تەننيسشىلەرگە ۇقسايتىنىن اڭعاردى.

«ليتل مو» حالىقارالىق بالالار سايىسى نيۋ- يورك قالاسىندا وسىمەن 35 جىل قاتارىنان وتكىزىلىپ كەلەدى. بالعىندار اراسىنداعى دودا اتاقتى امەريكالىق تەننيسشى مورين كوننوليدىڭ رۋحىنا باعىشتالعان. ول -  1953 -جىلى ۇلكەن دۋلىعا تۋرنيرىندە بارىنەن وزا شاۋىپ، جەڭىسكە جەتكەن العاشقى ايەل ادام. مورين 17 جاسىندا ۋيمبلدون باسەكەسىندە دە بيىكتەن كورىنىپ، قارسىلاستارىن ۇتىپ شىققان. ونىڭ سوققىلارى مىقتى ءارى ءدال بولاتىن. سول كەزدە ونى جۋرناليستەر «ليتل مو» دەپ اتاپ كەتسە كەرەك. الايدا جاس قىز سالت اتپەن ءجۇرۋ كەزىندە جازاتايىم وقيعاعا تاپ بولىپ، 21 جاسىندا سپورتتان كەتۋگە ءماجبۇر بولادى.

ال 34 جاسىندا وبىر اۋرۋىنا شالدىعىپ، دۇنيە سالادى. بۇگىندە مورين كوننوليدىڭ ۇرپاعى سپورتتىڭ بۇل ءتۇرىن دامىتىپ، جاڭا چەمپيونداردى انىقتاپ جاتىر. «ليتل مو» كورتىندا قازاقستاننان تۇڭعىش بولىپ 8 جاسار تەننيسشىسى جاقاس قوزباق ونەرىن كورسەتتى.  قىزىلوردا وبلىسىنداعى ارال قالاسىنىڭ تۇرعىنى فلوريدا شتاتىنداعى وتكەن حالىقارالىق تۋرنيردە جەڭىس تۇعىرىنان كورىنىپ، ەندى، مىنە، نيۋ- يوركتەگى الاڭدا ءوز مۇمكىندىكتەرىن پاش ەتۋدە. جاقاس قوزباق، حالىقارالىق تەننيس ءتۋرنيرىنىڭ جەڭىمپازى:

- سوققىلارىم مەن دوپ بەرىسىم مىقتى بولعاندىقتان جەڭىپ وتىرمىن. مەن ءۇشىن تەننيستەن ارتىق سپورت جوق. قارسىلاستارىمنىڭ مەنەن سەسكەنگەنىن قالايمىن. ەسەيگەندە، «روللان گاروسس» ، US Open, «ۋيمبلدون» تۋرنيرلەرىنىڭ ۇلكەن دۋلىعاسىن جەڭۋدى ارماندايمىن. اتا- انامدى، قازاقستاندى جانە بۇكىل الەمدى ءوز ونەرىممەن قۋانتقىم كەلەدى.

جازعى دەمالىس ۋاقىتىندا جاقاس ا ق ش- تاعى «ەۆەرت» تەننيس اكادەمياسىندا جاتتىقتى. ال نيۋ- يوركتەگى ءتۋرنيردىڭ ۇيىمداستىرۋشىلارى قازاقستاندىقتىڭ ويىن ورنەگى ايگىلى تەننيس جۇلدىزدارىنا ۇقسايتىنىن اڭعاردى.

سيندي برينكەر- سيممونس، مورين كوننوليدىڭ قىزى، تۋرنير ۇيىمداستىرۋشىسى:

- مەن بولاشاق جۇلدىزدىڭ قاسىندا تۇرمىن. ول -  قازاقستاننان كەلگەن 8 جاسار جاقاس. بۇل بالا مەنىڭ انامدى ەسكە سالدى. ويتكەنى مەنىڭ دە اناشىم 10 جاسىنان باستاپ ءدۇبىرلى دودالارعا قاتىسىپ، مىقتى سوققىلارىمەن ەرەكشەلەنەتىن. بۇگىنگى تۋرنيردە ءار ءتۇرلى ەلدەن كەلگەن 8 بەن 12 جاس ارالىعىنداعى بالالار ءوز ونەرىن كورسەتىپ جاتىر. ولاردىڭ كوپشىلىگى كەلەشەك تەننيس جۇلدىزدارى.

بالالار اراسىنداعى باسەكە US Open ءتۋرنيرى قارساڭىندا ءوتىپ جاتقانىن ايتىپ كەتكەن ءجون. كىم بىلەدى، بولاشاقتا جاقاس تا بۇل ءدۇبىرلى دودانىڭ جەڭىمپازى اتاناتىن شىعار.

www.24.kz

 

سوڭعى جاڭالىقتار