ءتورت كۇن ىشىندە ەكسپو- عا 88 مىڭ ادام كەلدى

استانا. قازاقپارات - ەلوردالىق اكىمدىكتىڭ ۆەدومستۆوعا باعىنىشتى ۇيىمى - «استانا كونۆەرشن بيۋرو» ج ش س- ءنىڭ ديرەكتورى سانيار ايتەكەنوۆ ەكسپو-2017 حالىقارالىق كورمەسىنىڭ العاشقى ءۇش كۇنىنىڭ ناتيجەسىن جاريالادى، دەپ حابارلايدى «قازاقپارات» ح ا ا ءتىلشىسى.

 ونىڭ ايتۋىنشا، كورمە اشىلعان كۇننەن 13 - ماۋسىمعا دەيىنگى ارالىقتا كورمەگە 88 مىڭ 300 ادام كەلگەن. كوشى- قون پوليتسياسىندا 1970 قوناق كەلگەندىگى تىركەلدى. وڭىرلەردەن كورمەنى تاماشالاۋعا  6200 بالا كەلدى. قوناقۇيلەرگە 27 مىڭنان استام ادام ورنالاسقان. قوناقۇيلەر 81 پايىزعا، حوستەلدەر 25 پايىزعا تولعان.

قوعامدىق كولىكتەر 2,6 ميلليون جولاۋشى تاسىمالداعان. بۇدان وزگە، كورمە اياسىندا «جاسىل» ەكونوميكانىڭ دامۋىنا ينۆەستيتسيا تارتىلدى.

«قىتاي قازاقستانداعى جەل گەنەراتورلارى پاركتەرىنە 70 ميلليارد تەڭگە ينۆەستيتسيا قۇيادى»، - دەپ جازدى ايتەكەنوۆ ءوزىنىڭ فەيسبۋكتەگى پاراقشاسىندا.

«قاز اتوم پروم» ۇلتتىق كومپانياسى مەن الەمدىك اتوم سالاسىنداعى جەتەكشى كومپانيالار - Cameco Corporation, Uranium One Inc.، CGN جانە AREVA - اراسىندا ءوزارا مەموراندۋم جاسالدى. «قازمۇنايگاز» ۇ ق» ا ق جانە CNPC شىمكەنت مۇناي وڭدەۋ زاۋىتىن جاڭعىرتۋ جانە ق ح ر- ىنا گاز ەكسپورتتاۋ بويىنشا ءبىرقاتار كەلىسىمدەرگە قول قويدى. سونداي- اق، تاراپتار 2017-2018 -جىلدارعا «قازمۇنايگازدىڭ» قىتايعا تابيعي گاز جەتكىزۋ مۇمكىندىكتەرىن تالقىلاپ، 5 ميلليارد شارشى مەتر كولەمىندەگى قازاقستان گازىن ق ح ر- ىنا ەكسپورتتاۋدىڭ ساتىپ الۋ- ساتۋ شارتتارىنا قول قويىلدى.

 «ەكسپو-2017 كورمەسىنە جۇمسالعان قاراجات - 400 ميلليارد تەڭگەدەن اسادى (شامامەن 1 ميلليارد. 300 ميلليون دوللار)»، - دەپ ءتۇيدى ءسوزىن سانيار ايتەكەنوۆ.