استانادا قالانىڭ كەلبەتىنە نۇقسان كەلتىرەتىن 870 جارناما الىندى - فوتو

None
استانا. قازاقپارات - استانادا 2019 -جىلى بەكىتىلگەن ەلوردانىڭ ديزاين-كودىنا سايكەس سىرتقى جارناما مەن ماڭدايشالاردى رەتكە كەلتىرۋ بويىنشا بەلسەندى جۇمىس ءجۇرىپ جاتىر، دەپ حابارلايدى قالالىق اكىمدىكتىڭ رەسمي سايتى.

قازىرگى ۋاقىتتا بەكىتىلگەن ديزاين-كودقا سايكەس كەلمەيتىن 870 جارنامالىق ەلەمەنت وزگەرتىلدى.

مۇنداي زاڭ بۇزۋشىلىقتاردى جويۋ ءۇشىن شاعىن جانە ورتا بيزنەس يەلەرىنە سىرتقى جارنامانى سايكەستەندىرۋ تۋرالى حابارلامالار تاراتىلادى.

ەلوردانىڭ ۋربانيستيكا ورتالىعى مۇنداي سىرتقى جارناما قالانىڭ كوركىن بۇزىپ، كەلبەتىنە نۇقسان كەلتىرەتىنىن ءمالىم ەتتى.

مىسالى «كوركەم» تۇرعىن ءۇي كەشەنىندە كوپتەگەن كاسىپكەر وزدەرىنىڭ قاسبەتىن رەتكە كەلتىرۋدى ءجون سانايدى. ولار ديزاين كودقا سايكەس كەلمەيتىن جارنامالار قالانىڭ جالپى كورىنىسى مەن ءۇيدىڭ كورىنىسىن بۇزادى دەگەن پىكىردە.

استانا قالاسىنىڭ ۋربانيستيكا ورتالىعى ماڭدايشالار بويىنشا 130 ەسكيزدىك ۇسىنىس ازىرلەدى، سىرتقى جارناما بويىنشا 40 تان استام ساۋال پىسىقتالدى.

ماقسات - سىرتقى جارنامالاردى رەتكە كەلتىرۋ، ءبىرتۇتاس جانە تارتىمدى ورتانى قۇرۋ، سونىمەن قاتار ۆيزۋالدى شۋدى جويۋ.

بۇل جۇمىس قالانىڭ بارلىق اۋدانىندا جۇرگىزىلەدى.


سوڭعى جاڭالىقتار