جاپونيادا تايفۋننان ءبىر ادام مەرت بولىپ، 86 سى زارداپ شەكتى

استانا. قازاقپارات - جاپونيادا «لان» جويقىندى تايفۋنىنىڭ سالدارىنان ءبىر ادام مەرت بولىپ، 86 سى جاراقاتتاندى.

NHK تەلەارناسى حابارلاعانداي، فۋكۋوكا قالاسىندا 63 جاستاعى جەرگىلىكتى تۇرعىندى قۇرىلىس نىسانى اينالاسىنا ورناتىلعان اعاش ساتىلار باسىپ قالعان. ەل وڭىرلەرىندە ادامداردىڭ ۇستىنە ءارتۇرلى زاتتار، جارناما قالقاندارى، اعاشتاردىڭ بۇتاقتارى قۇلاعان.

سونداي-اق ۆاكاياما پرەفەكتۋراسىندا ءۇيى لاي كوشكىنى سالدارىنان قيراعان 82 جاستاعى زەينەتكەر ءىز-ءتۇزسىز جوعالدى.

قاتتى داۋىل مەن تولاسسىز جاۋعان جاۋىنعا بايلانىستى جولاۋشىلار پويىزدارىنىڭ قوزعالىسى مەن اۋە رەيستەرى توقتاتىلدى. مەتەورولوگتاردىڭ اتاپ وتۋىنشە، تايفۋننىڭ وشاعى قازىر حونسيۋ ارالىنىڭ سولتۇستىك بولىگىندە ورنالاسىپ وتىر.