13:25, 15 - ناۋرىز 2021 | GMT +6
موڭعوليادا قۇمدى داۋىلدان التى ادام قازا تاۋىپ، 81 ادام حابارسىز كەتتى
ۇلانباتىر. قازاقپارات - موڭعوليانىڭ توتەنشە جاعدايلار جونىندەگى مەملەكەتتىك باسقارماسىنىڭ مالىمەتىنشە، 13-ناۋرىزدان 15-ناۋرىز ساعات 9:00 گە دەيىن موڭعوليانىڭ توعىز ايماعىندا 548 شوپان قۇمدى داۋىلدىڭ سالدارىنان حابار-وشارسىز كەتكەن، دەپ حابارلايدى قازاقپارات ءتىلشىسى.
ولاردىڭ 467 سى تابىلدى، بەس شوپان مەن بەس جاسار بالا قازا تاپتى. قۇتقارۋ جۇمىستارىن جەكە قۇرام ۇيىمداستىرۋدا.
جوعالىپ كەتكەن 81 شوپاندى ىزدەۋ جۇمىستارى جالعاسىپ جاتىر.