قىتايدا ۆاكسينانى قولدان جاسايتىن 80 نەن استام الاياق قاماۋعا الىندى
ەكپە شارالارىن كەي مەملەكەتتەر ەرتە باستاسا، ءبىراز ەل ەندى قولعا الادى. ۆاكسينالاۋ ناۋقانى قىزعان سايىن الاياقتار دا الاقانىن ىسقىلاي باستادى. جاپپاي ەگۋدى باستاپ كەتكەن قىتايدا 80 كۇدىكتى جان ۇستالىپ، ءۇش مىڭنان اسا جالعان دوزا تاركىلەندى. ا ق ش- تا كوروناۆيرۋسقا قارسى ۆاكسينا العاندار سانى ىندەت جۇقتىرعانداردان استى. بۇل تۋرالى بلۋمبەرگ اگەنتتىگى حابارلادى.
دجونس حوپكينس ۋنيۆەرسيتەتىنىڭ مالىمەتى بويىنشا، قۇراما شتاتتاردا ۆيرۋس جۇقتىرۋدىڭ راستالعان دەرەكتەرى 26 ميلليون 300 مىڭنان اسادى. ال رەسمي دەرەكتە 200 مىڭ ادام ارتىق كورسەتىلگەن. بۇعان دەيىن پرەزيدەنت دجو بايدەن ترامپ باستاعان ۆاكسينالاۋ باعدارلاماسىن قاتاڭ سىنعا الىپ، ساتىپ الاتىن پرەپارات سانىن كوبەيتتى. ا ق ش- تا كۇنىنە شامامەن ءبىر ميلليون 300 مىڭداي ادامعا ەكپە سالىنىپ جاتىر. بۇگىنگە دەيىن حالىقتىڭ 2 پروتسەنتى ۆاكتسينانىڭ ەكى دوزاسىن الىپ ۇلگەرگەن.
ەنتوني فاۋچي، ا ق ش- تىڭ باس ينفەكسيونيسى:
- ەكپە سالدىرۋعا ۇزاق ويلانباي، بىردەن ىسكە كوشىڭىزدەر. ۋاقىت جوعالتپاۋ كەرەك. ويتكەنى بۇل ۆيرۋستىڭ ءارى قاراي مۋتاتسياعا ۇشىراۋىنا كەدەرگى بولادى. سوندا ۆاكسينا سالدىرىپ، ءوزىڭىزدى عانا قورعاپ قالمايسىز. سونىمەن قوسا ەلىمىزدە ۆيرۋستىڭ جاڭا شتامدارىنىڭ پايدا بولماۋىنا دا كومەكتەسەسىز.
ال وڭتۇستىك افريكا رەسپۋبليكاسىنا ۆاكتسينانىڭ العاشقى لەگى ەندى عانا جەتكىزىلدى. دوزالاردى ارنايى كۇتىپ الۋ ءۇشىن ەل استاناسى يوحاننەسبۋرگتاعى حالىقارالىق اۋەجايعا مەملەكەت باسشىسى سيريل رامافوسانىڭ ءوزى كەلدى. ازىرگە «استرازەنەكا» ەكپەسىنىڭ 1 ميلليون دوزاسى اكەلىنگەن. الداعى 2 اپتادا پرەپاراتتاردىڭ تيىمدىلىگى تەكسەرىلەدى. تەك سودان كەيىن عانا ۆاكسينالار 9 پروۆينتسياعا جەتكىزىلىپ، ەكپە شارالارىنا رۇقسات ەتىلەدى. بۇل ەل قارا قۇرلىقتا كوروناۆيرۋس جۇقتىرۋ جانە ءولىم- ءجىتىم دەڭگەيى بويىنشا الدىڭعى ورىندا تۇر. ونىڭ ۇستىنە مۇندا جاڭا شتامم شىققان.
سوڭعى دەرەك بويىنشا، وڭتۇستىك افريكا رەسپۋبليكاسىندا 1 جارىم ميلليونداي ادام ىندەتكە شالدىعىپ، كوز جۇمعاندار قاتارى 44 مىڭنان اسقان. ۆاكسينا الۋ مۇڭعا اينالعان تاعى ءبىر ءوڭىر - تاياۋ شىعىس. پالەستينادا ۆاكسينالاۋ ناۋقانى اقپان ايىنىڭ ورتاسىندا باستالاتىن بولدى. بۇل ەلگە 50 مىڭ ۆاكسينانىڭ العاشقى لەگى جاقىندا كەلۋى ءتيىس. ەكپەلەردى جەتكىزۋ ءىسى دۇنيەجۇزىلىك دەنساۋلىق ساقتاۋ ۇيىمىنىڭ «كوۆاكس» باعدارلاماسى اياسىندا جۇزەگە اسادى.
حالىقارالىق بىرلەستىك وكىلدەرى پالەستيناعا «فايزەر- بايونتەك» ۆاكسيناسىنىڭ 37 مىڭنان استام دوزاسى بەرىلەتىنىن ايتادى. پالەستينا قوسىمشا «استرازەنەكانىڭ» كەمىندە 240 مىڭ مولشەرىنە تاپسىرىس جاساماق.
مۇحاممەد شتايە، پالەستينا پرەمەر- ءمينيسترى:
- تاپسىرىس بەرىلگەن بارلىق ۆاكتسيناعا اقشا مەملەكەتتىك بيۋدجەت ەسەبىنەن تولەنەدى. الداعى 2 اپتانىڭ ىشىندە ەكپە شارالارىن تەز باستاپ كەتۋىمىز كەرەك. ۆاكتسينالاۋ ناۋقانى پالەستينانىڭ بارلىق اۋماعىندا، ونىڭ ىشىندە گازا سەكتورىندا دا جۇرگىزىلەدى.
قىتايدا ۆاك سينانى قولدان جاسايتىن 80 نەن استام الاياق قاماۋعا الىندى. الەمدىك جانە جەرگىلىكتى اقپارات قۇرالدارىنىڭ حابارلاۋىنشا، قاسكۇنەمدەر ەكپەنى وتىرىك جاساپ قويماي، قىمبات باعاعا ساتىپ كەلگەن. بۇل ەلدە ۆاكسينالاۋ تەگىن جانە ليسەنزيا بەرىلگەن ورتالىقتاردا عانا جاسالادى. جەرگىلىكتى پوليسيا ارنايى وپەراتسيا جۇرگىزىپ، 3 مىڭنان استام جالعان دوزانى تاركىلەگەن.