ەكسپو: 80 جاستاعى جاپونيالىقتى قازاقتىڭ مۋزىكاسى ءتانتتى ەتتى
استانا. قازاقپارات - كەيۋانا استاناداعى ەكسپو-2017 كورمەسىن اسىعا كۇتتى. تومييو يامادۋ 1970 -جىلدان باستاپ بىردە- ءبىر كورمەدەن قالماي، اربىرەۋىنە قاتىسىپ كەلەدى، دەپ حابارلايدى قازاقپارات ءتىلشىسى.
«وسى ۋاقىتقا دەيىن مەن ەكسپو كورمەسى وتكەن جەتى مەملەكەتتە بولدىم. قازاقستان پاۆيلوندارىنا مىندەتتى تۇردە كىرىپ ارالايمىن. مىسالى، يتاليانىڭ ميلان قالاسىندا وتكەن كورمە كەزىندە قازاقتىڭ ۇلتتىق كيىمدەرىن كورىپ، مۋزىكاسىنا ءتانتتى بولدىم. عاجايىپ اۋەندەر، تاماشا اسپاپتار. ال استاناداعى ەكسپو- دا ماعان «نۇرالەم» پاۆيلونى قاتتى ۇنادى. شاردىڭ ءاربىر قاباتىندا ءتۇرلى تاڭعاجايىپ نارسە بار. ادام ۇيرەنەتىن جاڭالىقتار كوپ. جالپى استانانىڭ وتە قوناقجاي قالا ەكەنىنە كوزىم جەتتى»، - دەيدى تومييو يامادۋ.
ايتا كەتەيىك، يامادۋ حانىم - استاناداعى ەكسپو-2017 كورمەسىنىڭ ءوز ەلىندەگى ەلشىسى. بۇگىن «استانا ەكسپو-2017» ۇلتتىق كومپانياسىنىڭ باسشىسى احمەتجان ەسىموۆ جاپونيالىق كەيۋانانى قابىلدادى.
اۆتور: ارمان اسقاروۆ 
