شاڭحايدا بيىكتىگى مينۋس 80 مەتر بولاتىن قوناقۇي سالىنىپ جاتىر

استانا. قازاقپارات - سۋنتسزيان (ق ح ر) اۋدانى اۋماعىندا بۇرىنعى قۇرىلىس كارەراسىندا ەرەكشە 5 جۇلدىزدى قوناقۇي سالىنۋدا.

قۇنى $525 ميلليون تۇراتىن جوبا 2017 - جىلى اياقتالادى.

370 نومىرلىك قوناقۇيدىڭ ەكى سۋ استى، 17 جەر استى، ەكى جەر ءۇستى قاباتى بولادى. ونىڭ جەر بەتىنەن تەرەڭدىگى 80 مەتر، قوناقۇيدىڭ اتاۋى - The Quarry Hotel.

 قۇرىلىس ءجۇرىپ جاتقان ءوڭىر سارقىراما، ءدوڭ- بەلەستەرىمەن بەلگىلى. شاتىرى كوگالداندىرىلىپ، كۇن ەنەرگياسىن تەحنولوگيالىق پايدالانۋدىڭ ارقاسىندا قوناقۇي الەمدەگى ەڭ جاسىل قوناقۇي اتاۋىنا ۇمىتكەر بولا الادى.

 كارەرا بيىگىنەن 100 مەترلىك سارقىراما اعىپ تۇراتىن بولادى، ءبىر سارقىراما عيماراتتىڭ ۇستىمەن اعاتىن بولادى. وعان پانورامالى ليفت ورناتىلادى، دەپ جازدى روس بالت.