وتكەن ايدا قازاقستاندا جۇمىسقا 80 مىڭعا جۋىق ادام قابىلداندى

استانا. قازاقپارات - اعىمداعى جىلعى تامىزدا دەرەكتەرگە سايكەس ءىرى جانە ورتا كاسىپورىندارعا (ۇيىمدارعا) 78,4 مىڭ ادام قابىلداندى، ءتۇرلى سەبەپتەرمەن 87,3 مىڭ ادام جۇمىستان شىقان.

بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ باسپا ءسوز قىزمەتىنەن حابارلاندى.

جۇمىستان كەتكەن قىزمەتكەرلەردىڭ اراسىندا تۇراقتاماۋ سەبەپتەرى بويىنشا جۇمىستان بوساتىلعاندار - 82,9 پايىزدى، قىزمەتكەرلەر سانىنىڭ قىسقارتىلۋىنا نەمەسە كاسىپورىننىڭ تاراتىلۋىنا بايلانىستى - 1,5 پايىزدى، باسقا سەبەپتەر بويىنشا - 15,2 پايىزدى قامتىدى.

اعىمداعى جىلعى تامىزدا جۇمىسقا قابىلداۋ بويىنشا اينالىم كوەففيسيەنتى - 2,4 پايىزدى، جۇمىستان بوساتۋ بويىنشا اينالىم - 2,6 پايىزدى، جۇمىس كۇشىنىڭ تۇراقسىزدىق كوەففيسيەنتى - 2,2 پايىزدى قۇرادى. وسى كەزەڭدە جۇمىس كۇشىن اۋىستىرۋ كوەففيسيەنتى 89,8 پايىز بولدى.

اۆتور: رۋسلان عابباسوۆ