كۇنىنە 800 گرام كوكونىس پەن جەمىس- جيدەك جەۋ - ءومىردى ۇزارتادى

استانا. قازاقپارات - تاۋلىگىنە 10 پورتسيا كوكونىس پەن جەمىس-جيدەك تۇتىنۋ ءومىردى ۇزارتادى، دەپ سانايدى عالىمدار.

لوندونداعى Imperial college عالىمدارى وسى كەڭەسكە قۇلاق ءتۇرۋ ارقىلى جىلىنا 7,8 ميلليون مەزگىلسىز ءولىمنىڭ الدىن الۋعا بولاتىنىن ايتۋدا. ءبىر پورتسيا دەگەنىمىز - 80 گرام. بۇل - كىشىگىرىم بانان، المۇرت نەمەسە ءۇش ءشاي قاسىق شپينات پەن اسبۇرشاقتىڭ سالماعى. ءتىپتى از مولشەردەگى جەمىس- جيدەك پەن كوكونىستىڭ دەنساۋلىققا پايداسى وراسان. ادام ولاردى نەعۇرلىم كوبىرەك تۇتىنسا، سوعۇرلىم پايدالى. كۇنىنە 200 گرام كوكونىس پەن جەمىس- جيدەك جۇرەك- قان تامىرلارى اۋرۋلارىنان كوز جۇمۋ قاۋپىن %13، قاتەرلى ىسىكتىڭ دامۋىن %4، مەزگىلسىز ءولىمدى %15 ازايتادى. تاۋلىگىنە 800 گرام كوكونىس پەن جەمىس- جيدەك جۇرەك- قان تامىرلارى اۋرۋلارىنان قازا تابۋدى %28، قاتەرلى ىسىكتىڭ دامۋىن %13،

مەزگىلسىز ءولىمدى %31 ازايتادى.