بيىل «نۇرلى جول» باعدارلاماسىن ىسكە اسىرۋعا 800 ميلليارد تەڭگەگە جۋىق قارجى باعىتتالادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق ەكونوميكا ءمينيسترىنىڭ ءبىرىنشى ورىنباسارى مارات قۇسايىنوۆ ءمالىم ەتتى.
«جالپى، «نۇرلى جول» باعدارلاماسىن ىسكە اسىرۋعا قازاقستان رەسپۋبليكاسى ۇلتتىق قورىنان 2015 - جىلى - 796 ميلليارد تەڭگە، 2016 - جىلى - 379 ميلليارد تەڭگە، 2017 - جىلى - 3 ميلليارد ا ق ش دوللار ەكۆيۆالەنتى كولەمىندە قاراجات باعىتتاۋ جوسپارلانۋدا. حالىقارالىق قارجى ينستيتۋتتارى ەسەبىنەن ينديكاتيۆتى بىرلەسىپ قارجىلاندىرۋ كولەمى 9 ميلليارد ا ق ش دوللار شاماسىندا قۇرايتىن بولادى»، - دەدى م. قۇسايىنوۆ.
ودان باسقا، ۇلتتىق كومپانيالار مەن دامۋ ينستيتۋتتارىنىڭ مەنشىكتى قاراجاتى ەسەبىنەن باعدارلامانى قارجىلاندىرۋ 240,9 ميلليارد تەڭگەنى قۇرايدى.
ايتا كەتەيىك، «نۇرلى جول» مەملەكەتتىك باعدارلاماسى نەگىزگى ەكى بلوكتان تۇرادى. ءبىرىنشى باعىت - ينفراقۇرىلىمدى دامىتۋ، ول 7 باعىتتى قاراستىرىپ وتىر، ولار: كولىك- لوگيستيكا ينفراقۇرىلىمىن دامىتۋ، يندۋستريالدىق ينفراقۇرىلىم مەن تۋريزم ينفراقۇرىلىمىن دامىتۋ، ەنەرگەتيكا ينفراقۇرىلىمىن دامىتۋ، تۇرمىستىق- كوممۋنالدىق شارۋاشىلىق ينفراقۇرىلىمىن جاڭعىرتۋ، تۇرعىن ءۇي ينفراقۇرىلىمىن بەكىتۋ، ءبىلىم سالاسىنداعى ينفراقۇرىلىمدى دامىتۋ، كاسىپكەرلىك سۋبەكتىلەرىن قولداۋدى قامتيدى.
ەكىنشى باعىت - 2015 - جىلعا ارنالعان داعدارىسقا قارسى جاڭا شارالار، ولار وتاندىق ماشيناجاساۋ جانە ەكسپورتتى قولداۋعا، ا و ك قوسىمشا قولداۋعا، باستالعان جالعا بەرىلەتىن تۇرعىن ۇيلەردىڭ جوبالارىن ىسكە اسىرۋعا جانە ۇلەستىك سالىمداردى قورعاۋعا، «بيزنەستىڭ جول كارتاسى-2020» جوبالارى ءۇشىن ينفراقۇرىلىمدى جەتكىزۋگە، ءونىم ساپاسى ينفراقۇرىلىمىن دامىتۋعا، گەولوگيالىق بارلاۋ جۇرگىزۋدى جانداندىرۋعا باعىتتالعان.
اۆتور: رۋسلان عابباسوۆ
