قازاقستانعا قىتايدان كەلۋشى تۋريستەر سانى 8,5 ەسە كوبەيگەن
قاڭتار ايىنان ناۋرىزعا دەيىن ەلىمىزدىڭ قوناقۇيلەرىندە 228 مىڭ شەتەلدىك توقتاعان.
مادەنيەت جانە سپورت مينيسترلىگى باسپا ءسوز قىزمەتىنىڭ مالىمەتىنشە، 2022 جلىدىڭ العاشقى ءۇش ايىندا قازاقستانداعى قوناقۇيلەر 26,3 ميلليارد تەڭگە كىرىس كورىپتى. ياعني، بىلتىرعى جىلمەن سالىستىرعاندا بيىل تابىس 1,6 ەسە ارتقان.
بيىل قازاقستانداعى قوناقۇيلەر سانى 4 مىڭنان استى، ال ولاردىڭ ورتاق سىيىمدىلىعى 203 مىڭ ورىن.
«شەتەلدىك جانە ىشكى تۋريستەر سانىنىڭ ارتۋىنا بايلانىستى قوناق ءۇي قىزمەتى دە ءوستى. ماسەلەن، جاز باستالا ءبىزدىڭ ەلگە كەلگەن شەتەلدىك دەمالۋشىلار سانى بىلتىرعا قاراعاندا ءۇش ەسە ارتقان.
قىتايدان - 8,5 ەسە، ءۇندىستاننان - 4,7 ەسە، وڭتۇستىك كورەيادان - 3,8 ەسە، يراننان - 3,8 ەسە، گەرمانيادان - 3 ەسە، ا ق ش-تان - 2,2 ەسە»، - دەيدى مادەنيەت مينيسترلىگىنىڭ باسپا ءسوز حاتشىسى ءمولدىر ابدۋاليەۆا.
