جاڭا گۆينەيادا قۋاتى 8,0 ماگنيتۋدالىق جەر سىلكىنىسى بولدى

استانا. قازاقپارات - پاپۋا - جاڭا گۆينەيانىڭ بۋگەنۆيل ارالىندا ماگنيتۋداسى 8,0 بولاتىن جەر سىلكىنىسى بولدى، دەپ حابارلايدى ر ب ك Reuters اگەنتتىگىنە سىلتەمە جاساپ.

جەر ءدۇمپۋى ارالدىڭ اكىمشىلىك ورتالىعىنان 47 شاقىرىم جەردەگى اراۆا قالاسىندا سەزىلگەن. وسىعان بايلانىستى، تىنىق مۇحيتى سۋناميدى ەسكەرتۋ ورتالىعىنىڭ حابارلاۋىنشا، الداعى ءۇش ساعاتتا پاپۋا - جاڭا گۆينەيا، سولومون ارالدارى، ناۋرۋ، پونپەي، كوسراە، ۆانۋاتۋ، ترۋك جانە يندونەزيا ارالدارىنىڭ جاعالارىنا «اسا قاۋىپتى سۋنامي تولقىندارى كەلۋى مۇمكىن».

ءزىلزالادان زارداپ شەككەندەر مەن كوز جۇمعاندار جايلى اقپارات جوق.

وتكەن جىلى 17 -قازاندا پاپۋا- جاڭا گۆينەيا جاعاسىندا جەر سىلكىندى. ونداعى ماگنيتۋدا 6,9 بولعان ەدى جانە سۋنامي قاۋپى جاريالانبادى.