سولتۇستىك قازاقستان دا بيىل 7 مەكتەپ جابىلماق

پەتروپاۆل. قازاقپارات - سولتۇستىك قازاقستان وبلىسىندا بالا سانىنىڭ جەتىسپەۋشىلىگىنە بايلانىستى بيىل جەتى باستاۋىش مەكتەپتى جابۋ جوسپارلانعان، دەپ حابارلايدى قازاقپارات ءتىلشىسى.

س ق و ءبىلىم باسقارماسىنىڭ مالىمەتىنشە، قازىرگى ۋاقىتتا وبلىستا 465 مەكتەپ جۇمىس ىستەيدى، ونىڭ 352 سى شاعىن جيناقتى. بيىل وقۋشى سانى بەسەۋگە جەتپەيتىن 7 باستاۋىش مەكتەپتى جابۋ جوسپارلانعان.

سوڭعى 3 جىلدا وڭىردە جەلىنىڭ كەپىلدەندىرىلگەن مەملەكەتتىك نورماتيۆىنە سايكەس كەلمەيتىن 19 مەكتەپ جابىلدى.

وقۋشى جەتىسپەۋشىلىگى ماسەلەسىن شەشۋ ءۇشىن قانداس وتباسىلارىنىڭ بالالارى جانە جۇمىس كۇشى ارتىق وڭىرلەردەن قونىس اۋدارۋشىلار ەسەبىنەن اۋىل مەكتەپتەرىنىڭ كونتينگەنتىن ۇلعايتۋ بويىنشا جۇمىس قولعا الىنعان. ناتيجەسىندە بيىلعى جاڭا وقۋ جىلىندا وبلىستىڭ ءبىلىم بەرۋ ۇيىمدارىندا قونىس اۋدارۋشىلار وتباسىلارىنان 820 بالا جانە قانداستار وتباسىلارىنان 106 بالا وقىماق.

قازىر س ق و-داعى 170 اۋىلدا مەكتەپ جوق. ولاردا 1480 وقۋشى تۇرادى. 127 اۋىلدا تەك باستاۋىش نەمەسە نەگىزگى مەكتەپتەر جۇمىس ىستەيدى. وسى اۋىلداردا تۇراتىن بالالار جاقىن ماڭداعى 143 مەكتەپكە ارنايى كولىكپەن جەتكىزىلەدى.

اپتا سايىن 1003 وقۋشى مەكتەپ جانىنداعى 50 ينتەرناتقا تاسىمالدانادى. كۇن سايىن مەكتەپتەرگە 1618 وقۋشى جەتكىزىلەدى.

وقۋشىلاردى تاسىمالداۋعا 143 اۆتوكولىك بولىنگەن.