ءالى دە جۇمىس ىستەيتىن الەمدەگى ەڭ ەجەلگى 7 قوناق ءۇي

ساياحاتشىلارعا ارنالعان قوناق ۇيلەر پومپەي شەجىرەسىندە ءبىزدىڭ ەرامىزعا دەيىنگى 69-جىلى العاش رەت ايتىلعان. قازىرگى زامانعى قوناق ءۇي يندۋسترياسىنىڭ تاريحىن Ⅷ عاسىردان باستاۋ الدى دەۋگە بولادى. 700-جىلدارى قۇرىلعان قوناق ۇيلەر قوناق قابىلداۋدى جالعاستىرىپ كەلە جاتىر.

1. Nishiyama Onsen Keiunkan ، جاپونيا، 705-جىل

فۋدزيۆارا ماحيتو، يمپەراتور تەندجيدىڭ كومەكشىسىنىڭ بالاسى، VIII عاسىردىڭ باسىندا ىستىق بۇلاقتىڭ جانىندا قوناق ءۇي قۇرعان. كاسىپورىن تەز تانىمال بولدى. ساياساتكەرلەر، بيلەۋشى ​​اۋلەتتىڭ مۇشەلەرى، اسكەري قولباسشىلار مەن سامۋرايلار مۇندا ءجيى كەلەتىن.

2011-جىلى Nishiyama Onsen Keiunkan الەمدەگى ەڭ كونە قوناق ءۇي رەتىندە گيننەستىڭ رەكوردتار كىتابىنا ەنگىزىلدى . ونىڭ جۇمىس ىستەپ تۇرعانىنا 1315 -جىل بولعان. ءقازىر ونى فۋدزيۆارا وتباسىنىڭ 52-ۇرپاعى باسقارادى. قوناق ءۇي ياماناشي پرەفەكتۋراسىندا، فۋدزياما تاۋىنان ەكى ساعاتتىق قاشىقتىقتا ورنالاسقان.

نيشياما ونسەن كەيۋنكاننىڭ ەسكى جاپون ستيلىندە جيھازدالعان 35 بولمەسى بار. قوناقتاردان عيماراتقا كىرەردە اياق كيىمدەرىن شەشۋدى سۇرايدى جانە ولارعا ءداستۇرلى كيىم ۇسىنىلادى. ىستىق بۇلاق ءالى دە قوناق ءۇيدى سۋمەن قامتاماسىز ەتەدى. نيشياما ونسەن كەيۋنكاندا ەرەكشەلىگى ينتەرنەت جوق.

الەمدەگى ەڭ كونە قوناقۇيدە ءبىر ءتۇن قونۋ 280 دوللار تۇرادى.

2. Hoshi Ryokan, جاپونيا، 718-جىل

ەكىنشى قوناق ءۇي - گيننەستىڭ رەكوردسمەنى يسيكاۆا پرەفەكتۋراسىندا ورنالاسقان. ول ⅩⅢ عاسىر بويى ءبىر وتباسىعا تيەسىلى. 1996-جىلدان 2011-جىلعا دەيىن حوشي رەكان الەمدەگى ەڭ كونە قوناق ءۇي جانە وتباسىلىق بيزنەس بولىپ سانالدى. قوناق ءۇيدى قازىر حوشي وتباسىنىڭ 46-ۇرپاعى باسقارادى. بۇل وتباسى بيزنەسى ەندى جالعاسىن تاپپايىن دەپ تۇر. سەبەبى، 2013-جىلى قوناق ءۇي يەلەرىنىڭ جالعىز ۇلى قايتىس بولدى. ەندى ونى وسى اۋلەتتىڭ جالعىز قىزى حيسايا حوشي باسقارادى. شەتەلدىك باق جازعان وتباسىنداعى درامالىق جاعداي مەن تاجىريبە تۋرالى قىسقامەتراجدى دەرەكتى فيلم ءتۇسىرىلدى.

حوشي رەكان ء داستۇرلى ستيلدە جابدىقتالعان، ال مازىردە ۇلتتىق تاعامدار بار. مۇندا دا قوناقتارعا ارنالعان ۆاننالار مەن سپا راسىمدەرى بار. بۇل قوناق ءۇي دە ىستىق بۇلاقتىڭ جانىندا سالىنعان. جىل سايىن قىركۇيەك ايىندا تەاتر فەستيۆالى وتەدى. حوشي رەكاننىڭ سونىمەن قاتار كلاسسيكالىق جاپون ونەرى شەبەرلەرىنىڭ تۋىندىلارى قويىلعان مۇراجايى بار.

ەكى ادامعا جالعا الۋ ءبىر تۇنگە 100 دوللار تۇرادى.

3. Gamirasu Cave Hotel, تۇركيا، VIII عاسىر

ۇڭگىردەگى قوناق ءۇي كاپپادوكيادا، ءبىزدىڭ داۋىرىمىزگە دەيىنگى 1600-جىلدارى قۇرىلعان ايۆالي اۋىلىندا ورنالاسقان. VIII عاسىردا مۇندا موناستىر سالىنعان. كەيىن جەر استى بولمەلەرى قوناق ۇيگە اينالعان. قوناق ءۇي اۋماعىندا X عاسىردا سالىنعان شىركەۋ بار، بۇرىنعى بولمەلەردىڭ قابىرعالارىندا سول كەزەڭدەگى فرەسكالاردىڭ فراگمەنتتەرى ساقتالعان.

زاماناۋي قوناق ءۇي رەتىندە ول 1999-جىلى اشىلدى. مۇندا ءساندى ستيلدە بەزەندىرىلگەن تاس توسەكتەردەن باستاپ اسكەتيكالىق زىندانعا دەيىنگى 30 بولمە بار. جەر استى بولمەلەرىندە ينتەرنەت بار، قوناقتارعا شوپتەن جاسالعان شاي، ءسۇت جانە بال ۇسىنىلادى.

موناستىر ۇڭگىرلەرىندە ءبىر تۇنگە قونۋ باعاسى - 110 - 450 دوللار.

4. Maid's Head قوناق ءۇيى، ۇلىبريتانيا، 1090-1246-جىلدار

قوناق ءۇي تۋرالى العاشقى رەت 1246-جىلعى جازبادا جازىلعان. سول كەزدە نورۆيچ شەجىرەسى روبەرت قۇسشىنىڭ كۋك روۋداعى قوناقۇيدەن تاۋار ۇرلاعانىن ايتادى. الايدا، Maid's Head Hotel اكىمشىلىگى وزدەرىنىڭ قوناق ءۇيىن ۇلى بريتانياداعى ەڭ كونە قوناق ءۇي دەپ مالىمدەدى. ولاردىڭ ايتۋىنشا، مەكەمەنىڭ تاريحى 1090-جىلداردان باستاۋ الادى. بۇل ۋاقىتتا قوناق ءۇي نورۆيچتىڭ ءبىرىنشى نورمان ەپيسكوپى گەربەرت دە لوسينگا رەزيدەنتسياسى بولدى. قازىرگى عيماراتتىڭ ەڭ كونە بولىكتەرى XV عاسىرعا جاتادى، ال قالعان عيماراتتار X Ⅵعاسىردىڭ سوڭىندا تۇرعىزىلعان. قوناق ۇيدە حانزادا ەدۆارد ( Ⅲ كورول ەدۋارد)، گەنري VIII كەتريننىڭ ايەلى مەن پاتشايىم ەليزاۆەتا I بولعان.

ەرەكشەلىگى مۇندا ادەبي بولمە دە بار.

ستاندارتتى بولمەدە ءبىر ءتۇن قونۋ 230-380 دوللار.

5. Luna Baglioni, يتاليا، 1118-جىل

Luna Baglioni - اۋليە مارك الاڭىنان ماڭىندا ورنالاسقان ۆەنەتسياداعى ەڭ كونە قوناق ءۇي. ساقتالعان تاريحي دەرەكتەر بويىنشا، XII عاسىردا يەرۋساليم عيباداتحاناسى وردەنىنىڭ رىتسارلارى بولعان تامپليەرلەر كرەست جورىقتارى كەزىندە وسىندا بولعان. ⅩⅢ عاسىرداعى ۆەنەتسيا مۇراعاتتارىندا لۋنا تاۆەرناسىنىڭ جازبالارى بار، ال XV عاسىردىڭ شەجىرەسىندە وسى اتتاس قوناق ءۇي تۋرالى ايتىلادى. قوناق ءۇيدىڭ كەيبىر زاماناۋي ينتەرەرى 1700 سالىنعان.

قوناق ءۇي 1992-جىلى قايتا جوندەۋدەن ءوتتى. قازىر مۇندا 104 بولمە بار. قوناق ۇيدەن ەكى مينۋتتىق جەردە ۆەنەتسيالىق وزەن ترامۆايلارى جۇرەدى. كانالدىڭ جاقىن بولۋىنا قاراماستان، «لۋنانىڭ» ءبىرىنشى قاباتىن تەڭىز دەڭگەيى كوتەرىلگەن كەزدە سۋ باسپايدى.

Luna Baglioni دە ءبىر تۇنگە تۇنەۋ ماۋسىمعا بايلانىستى 340 دوللاردان 640 دوللارعا دەيىن بولادى.

6. Zum Roten Bنren, گەرمانيا، 1120-جىل

ەلدەگى ەڭ كونە قوناق ءۇي فرايبۋرگ- يم-برايسگاۋ قالاسىندا ورنالاسقان. قالانىڭ تاريحي مۇراجايىنىڭ ديرەكتورى پيتەر كالچتالەردىڭ ايتۋىنشا، قوناق ءۇي 12-عاسىردىڭ باسىندا اشىلعان، ءبىراق ساقتالعان العاشقى جازباشا دالەلدەر 1311-جىلعا جاتادى. كالچتالەر سونىمەن قاتار بولاشاق فرانسيا پاتشايىمى ماري انتۋانەتتانىڭ 1770-جىلى قوناق ۇيدە تۇنەگەنىن ايتادى.

مارتين حايدەگگەر مۇندا فيلوسوفيالىق پىكىرتالاستار وتكىزدى، ال 1956-جىلى اكتريسا جانە ءانشى ماريكا روكك وسىندا ءومىر ءسۇردى.

بۇگىندە Zum Roten Bnren - دە 25 زاماناۋي بولمە مەن ءداستۇرلى نەمىس مەيرامحاناسى بار. قوناق ءۇيدىڭ بۇرىنعى يەلەرىنىڭ ءبىرى مونيكا حانسەن قوناق ءۇي مەن ونىڭ يەلەرىنىڭ تاريحىن 2009-جىلى فرايبۋرگتەگى Das Buch vom Roten Bنren (فرايبۋرگتەگى قىزىل ايۋ كىتابى) كىتابىندا سيپاتتادى.

نەمىستەردىڭ ەجەلگى قوناق ۇيىندە ءبىر ءتۇن قونۋ 180 دوللار تۇرادى.

7. Château Du Domaine St. Martin, فرانسيا، 1300-جىل

1150-جىلى تامپلەرلەر پروۆانسال سارايىندا سەنت- مارتين سارايىنىڭ نەگىزىن قالادى. موناستىر كاپەللاسى وسى كۇنگە دەيىن ساقتالعان جانە راسىمدەر ءالى دە وسىندا وتكىزىلەدى. قامال رىتسارلاردىڭ مەنشىگىندە XIV عاسىردىڭ باسىنا دەيىن قالدى. وسىدان كەيىن قامال بىرتىندەپ قوناق ۇيگە اينالدى. اڭىز بويىنشا، قازىنالار - بافومەتتىڭ التىن فيگۋراسى، التىن پۇت جانە باسقا دا قۇندىلىقتار بۇرىنعى ابباتتىقتىڭ اۋماعىندا جەرلەنگەن.

بۇگىندە بۇل نيتستسادان 20 مينۋتتىق جەردە ورنالاسقان بەس جۇلدىزدى قوناق ۇيدە برەد پيتت پەن اندجەلينا دجولي تۇرعان. قامالدا باسسەين، سپا، تەننيس كورتى مەن گولف الاڭى بار. قوناق ۇيدە Michelin جۇلدىزدى La Commanderie قولتاڭباسى بار مەيرامحانا بار. ينتەرەر Aubusson گوبەلەندەرىمەن بەزەندىرىلگەن جانە ليۋدوۆيك XV زامانىنان بەرگى انتيكۆارلىق جيھازبەن جابدىقتالعان.

قامالدا تۇنەۋ 440 دوللاردان 940 دوللارعا دەيىن تۇرادى.

massaget.kz