رەسەيدىڭ كەمەروۆ وبلىسىندا ۇشاق اپاتقا ۇشىراپ، 7 ادام قازا تاپتى

ماسكەۋ. تاسس - قازاقپارات - رەسەيدىڭ كەمەروۆ وبلىسىندا بورتىندا سپورتشى- پاراشيۋتيستەرى بار ۇشاق اپاتقا ۇشىراپ، 7 ادام قازا تاپتى، دەپ حابارلايدى قازاقپارات رەسەيلىك ت ا س س اگەنتتىگىنە سىلتەمە جاساپ.

اگەنتتىك تاراتقان اپاراتتارعا قاراعاندا، وقيعا سالدارىنان 13 ادام زارداپ شەككەن. ت ا س س- قا ونەركاسىپتىك اۋداننىڭ ءبىرىڭعاي كەزەكشى ديسپەتچەرلىك قىزمەتىنەن حابارلاعانداي، ۇشاق اپاتىنان ءتورت ادام قازا تاۋىپ، 17 ادام زارداپ شەكتى. تاناي اەرودرومى كۋزباسستىڭ پرومىشلەننىي اۋدانىندا نوۆوسيبيرسك وبلىسىمەن شەكارالاس جەردە ورنالاسقان. ونىڭ بازاسىندا كۋزباسس پاراشيۋت ورتالىعى قۇرىلىپ، جۇمىس ىستەيدى. مۇندا سپورتشىلار مەن اۋەسقويلارعا پاراشيۋت- دەسانت جاتتىعۋلارى وتكىزىلىپ تۇرادى.