رايسا مۇحامەدياروۆانى اقتىق ساپارعا شىعارىپ سالۋ ءراسىمى 7 - قاراشادا وتەدى
عابيت مۇسىرەپوۆ اتىنداعى جاسوسپىرىمدەر تەاترى باسپا ءسوز قىزمەتىنىڭ حابارلاۋىنشا، كەڭەس جانە قازاقستاندىق كينو ءارى تەاتر اكتريساسى، قازاق س س ر ەڭبەك سىڭىرگەن ءارتيسى، «قۇرمەت» وردەنىنىڭ يەگەرى رايسا مۇحامەدياروۆانى اقتىق ساپارعا شىعارىپ سالۋ ءراسىمى 7 - قاراشا كۇنى ساعات 10-00-دا تەاتر عيماراتىندا وتەدى.
رايسا ءماجيت قىزى مۇحامەدياروۆا 1939 -جىلى 11 - شىلدەدە سەمەي وبلىسى كوكپەكتى اۋىلىندا دۇنيەگە كەلگەن. قازاق س س ر جانە قازاقستاننىڭ ەڭبەك سىڭىرگەن ءارتىسى. قازاق كينوسى مەن تەاتر سالاسىنا ولشەۋسىز ەڭبەك سىڭىرگەن اكتريسا.
رايسا مۇحامەدياروۆا 1963 -جىلى رەجيسسەر سۇلتان قوجىقوۆتىڭ قازاق كينوسىنىڭ التىن قورىنان ورىن العان «مەنىڭ اتىم - قوجا» فيلمىندە ۇستاز حاديشا مايقانوۆانىڭ رولىمەن حالىققا كەڭىنەن تانىلدى. كينو الەمىندە 30-عا جۋىق فيلمگە تۇسكەن. ونىڭ تالانتى مەن سۇلۋلىعىن باعالاعان زامانداس- ارىپتەستەرى «قازاقتىڭ دجينا لوللوبريدجيداسى» دەپ اتاعان.
ايتا كەتەيىك، 1964 -جىلى رايسا مۇحامەدياروۆا جازۋشى عابيت مۇسىرەپوۆكە تۇرمىسقا شىعىپ، 8 جىل نەكەدە بولعان.
اكتريسا بۇگىن 80 جاسىندا دۇنيەدەن وزدى.
