14:14, 20 - تامىز 2019 | GMT +6
جايرەمدەگى جانجال: 7 ادام ۇستالدى
قاراعاندى. قازاقپارات - قاراعاندى وبلىسىندا قۇقىق قورعاۋ ورگاندارىنىڭ قىزمەتكەرلەرى جايرەم تاۋ-كەن بايىتۋ كومبيناتىنداعى جانجالعا قاتىسقان جايرەم كەنتىنىڭ 7 تۇرعىنىن ۇستادى، دەپ حابارلايدى قازاقپارات ءتىلشىسى.
قاراعاندى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بۇزاقىلىق ارەكەتتەر جاسادى جانە بىرەۋدىڭ مۇلكىن ۇرلادى دەگەن كۇدىكپەن 22-33 جاس ارالىعىنداعى جايرەم كەنتىنىڭ جەتى تۇرعىنى ۇستالدى. ولار ءوز كىنالارىن مويىنداپ، ۋاقىتشا ۇستاۋ وقشاۋلاعىشىنا قامالدى.
ەسكە سالايىق، 12- تامىزدا جايرەم كەنتىندە جايرەم تاۋ-كەن بايىتۋ كومبيناتىنىڭ جۇمىسشىلارى جانجالداسقان ەدى. قاراعاندى وبلىستىق پوليتسيا قىزمەتكەرلەرى توبەلەسكە قاتىسۋشىلارعا قاتىستى سوتقا دەيىنگى تەرگەۋ جۇمىستارىن باستادى.
