قازاقستاننىڭ 7 وبلىسىندا اپتاپ ىستىق بولادى

نۇر-سۇلتان. قازاقپارات - سينوپتيكتەردىڭ بولجامىنشا، 9- شىلدە كۇنى بىرنەشە وبلىستا اپتاپ ىستىق بولادى، دەپ حابارلايدى قازاقپارات قازگيدرومەتكە سىلتەمە جاساپ.

9- شىلدە كۇنى كۇندىز اتىراۋ وبلىسىندا اۋا تەمپەراتۋراسى 35-38 گرادۋس اينالاسىندا بولادى. اتىراۋ قالاسىندا 9- شىلدەدە كۇندىزگى اۋا تەمپەراتۋراسى 35-37 گرادۋسقا دەيىن ىسيدى.

9- شىلدەدە جامبىل وبلىسىنىڭ كەي جەرلەرىندە كۇندىزگى اۋا تەمپەراتۋراسى 39 گرادۋس، ال 10-11- شىلدە كۇندەرى 41 گرادۋسقا دەيىن جەتەدى.

تارازدا 10-11-شىلدەدە كۇندىزگى اۋا تەمپەراتۋراسى 38-40 گرادۋس اينالاسىندا بولادى.

9- شىلدەدە شىعىس قازاقستان وبلىسىنىڭ كەي جەرلەرىندە اۋا تەمپەراتۋراسى 36 گرادۋس بولىپ، نايزاعاي وينايدى، بۇرشاق جاۋۋى مۇمكىن.

سولتۇستىك-شىعىستان، شىعىستان سوعاتىن جەلدىڭ جىلدامدىعى كەي جەرلەردە 15-20 م/س- قا دەيىن جەتەدى. سونداي-اق، 10- شىلدەدە اقمولا وبلىسىنىڭ كەي جەرلەرىندە، 11- شىلدەدە باسىم بولىگىندە 35-38 گرادۋس ىستىق كۇتىلەدى.

9- شىلدەدە  قىزىلوردا وبلىسىندا جەل سولتۇستىكتەن، سولتۇستىك-شىعىستان سوعادى، كۇشى كەي جەرلەردە 15-20 م/س ساقتالادى.

كۇندىز 41 گرادۋس قاتتى ىستىق كۇتىلەدى. 10-11- شىلدەدە كۇندىز اقتوبە وبلىسىنىڭ كەي جەرلەرىندە، 11- شىلدەدە قاراعاندى وبلىسىنىڭ كەي جەرلەرىندە 40-41- گرادۋس وتە قاتتى ىستىق كۇتىلەدى.