ءوز-وزىڭىزگە دەگەن سەنىمدىلىكتى ارتتىرۋدىڭ 7 ءتاسىلى
كەزەكتى ماتەريالىمىز وسى تاقىرىپ اياسىندا بولماق. بويىمىزداعى سەنىمدىلىك - تابىستىڭ كىلتى. تابىستى ادامدار جايىندى ءسوز قوزعاعان كەزدە كوز الدىمىزعا وزىنە بارىنشا سەنىمدى، بويىن تىك ۇستايتىن تۇلعا ەلەستەيدى.
ول ءوزىنىڭ نە قالايتىنىن جاقسى بىلەدى. ونىڭ الدىندا بيىك قامالداردىڭ ءوزى جاسقاناتىنداي كورىنەدى. اينالاسىنداعى ادامنىڭ بارلىعى ونىڭ مىنەزى مەن جىلدامدىعىنا ەرەكشە تاڭ قالادى. وزىنە قارسى پىكىرلەردى ەلەمەيدى. ال بۇل مىنەزدىڭ قۇپياسى نەدە؟ مۇمكىن ءدال سولاي تۋىلعان شىعار؟ ولاي بولسا، وسى قاسيەتتى ەركىن مەڭگەرۋدىڭ قۇپياسىن بىرگە اشايىق.
«وزىنە سەنۋشىلىك» - ادامنىڭ ءوز كۇشىن جوعارى باعالاۋى.
ءبىراق كەز كەلگەن سەنىمنىڭ ىرگە تاسى ەرتەدەن قالانۋى ءتيىس. ال سەنىمدىلىك بىزگە نە بەرەدى؟ وزىنە سەنىمدى ادام ءومىر اتتى ۇزاق جولدا جىلدام قوزعالادى. ۋاقىت وتە كەلە جىلدامدىعى ۇدەي تۇسەدى. ەشقاشان كوڭىلى ءتۇسىپ مۇڭايمايدى. قاي باعىتقا بارا جاتقانىن جاقسى بىلەدى. مۇنىمەن قاتار سەنىم مەن وزىمشىلدىكتى شاتاستىرماۋ كەرەك. ءوزىمشىل ادام بويىنداعى كۇشىن ارتىق باعالايدى. ولاي بولسا، بۇل قاسيەتكە قالاي قول جەتكىزۋگە بولادى؟ تومەندە تەكسەرۋدەن وتكەن 7 ءتاسىلدى ۇسىنامىز.
1. بويىندا بۇل قاسيەتى جوق ادامداردىڭ باستى كەمشىلىگى - ءوزىن دۇرىس تانىماۋى جانە بويىنداعى كەمشىلىكتەرىن دۇرىس بىلمەۋى. سوندىقتان ءبىرىنشى وزىمىزدەن باستاۋدى ۇسىنامىز. قولىڭىزعا قاعاز بەن قالام الىپ، 1000 كەمشىلىگىمىز بەن 1000 جاعىمدى قاسيەتىڭىزدى ءتىزىپ شىعىڭىز. كەمشىلىكتەردىڭ قارما-قارسى تۇسىنا وزگەرگىڭىز كەلەتىنىن قاسيەتتى جازىڭىز. ارتىنشا وسى ءتىزىمنىڭ دۇرىس ورىندالۋىن قاداعالاڭىز. ارينە، بىردەن 1000 جازۋ قيىنعا سوعاتىن شىعار. ازىرشە 50-100 قاسيەتتى جازۋدان باستاۋىڭىزعا بولادى.
2. ءبىرىنشى باسپالداققا شىققان سوڭ، «تابىس» جۋرنالىن جاسايىق. داپتەر الىپ، ىشىنە كۇندەلىكتى جەتىپ وتىراتىن 5 جەتىستىگىڭىزدى جازىڭىز. ەڭ باستىسى كۇندە جازۋدى ۇمىتپاڭىز. قينالعان ساتتە وسى تابىسىڭىزعا ارقا سۇيەۋگە بولادى. مايدا جەتىستىكتەردىڭ ارقاسىندا جەڭىمپازدىڭ رۋحى ويانادى.
3. اقپاراتتى ساراپتاۋ. ومىرىڭىزدەن جاعىمسىز اقپاراتتى ءوشىرىڭىز. ونى ورىنداۋ ءۇشىن نە ىستەپ جۇرگەنىڭىزگە، قانداي كىتاپ وقيتىنىڭىزعا، كىمدەرمەن ارالاسىپ جۇرگەنىڭىزگە نازار اۋدارىڭىز. ۇنەمى ارتقا تارتاتىن ادامداردى ءسىزدى شىڭعا جەتەلەيتىندەرىمەن الماستىرىڭىز. بۇل جانىڭىزدا جۇرگەن جانداردى ءبىرجولاتا ۇمىتىڭىز دەگەن ءسوز ەمەس. جانە تابىستى ادامداردىڭ ومىرىنەن الىنعان مىسالدى وتتەگىدەي پايدالانىڭىز.
4. وبرازىڭىزدى ويلاپ تابىڭىز. اق قاعاز الىپ، 1-2 جىلدان كەيىن ءوزىڭىزدى قانداي تۇلعا رەتىندە ەلەستەتەنىڭىزدى جازىڭىز. جانە بويىڭىزدان كورگىڭىز كەلەتىن قاسيەتتەردەن باستاڭىز. ولاردىڭ سانى كەم دەگەندە 20 بولسىن. كۇندە ۇيىقتار الدىندا وسى قاعازدى وقىپ، جاڭا وبرازىڭىزدى كوز الدىڭىزعا ەلەستەتىڭىز.
5. سپورتقا جاقىن بولىڭىز. ونىڭ كەز كەلگەن تۇرىمەن اينالىسۋىڭىزعا بولادى. باستاپقىدا تاڭەرتەڭ 15 مينۋت جۇگىرۋدەن باستاڭىز. نەبارى 15 مينۋتىڭىزدى سپورتقا ارناۋ ارقىلى ۇلكەن جەتىستىكتەرگە جەتە الاسىز. كۇش پەن ءتوزىمدى اقىرىنداپ ۇلعايتۋ كەرەك.
6. شىعارماشىلىقپەن اينالىسىڭىز. بي بيلەپ، ءان ايتىڭىز، قاجەت بولسا تەاتر ساحناسىندا ونەر كورسەتىڭىز. وسىلايشا بويىڭىزعا دەگەن سەنىمدىلىكتىڭ ارتىپ كەلە جاتقانىن بايقايسىز. يكەمدىلىك قاشان دا كەرەك.
7. ۇلكەن استى قاسىقتاپ جەڭىز. ادامدار ۇلكەن ىسكە بىردەن كىرىسەدى دە، قولدارىنان كەلمەگەن سوڭ، جىلدام باس تارتادى. سوندىقتان ۇلكەن جۇمىستى بىرنەشە بولىككە ءبولىڭىز. ولاي بولسا، ىسكە ءسات دەيمىز!
دەرەككوز: Reactor