سينوپتيكتەر 7- قاراشا كۇنگى اۋا رايى بولجامىن جاريا ەتتى

استانا. قازاقپارات - بۇگىن قازاقستاننىڭ باسىم بولىگىندە اتموسفەرالىق اعىنداردىڭ وتۋىنە بايلانىستى اۋا رايى تۇراقسىز بولادى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سىلتەمە جاساي وتىرىپ.

كاسىپورىن مالىمەتتەرىنە قاراعاندا، ەلىمىزدىڭ باتىسىندا عانا اۋا رايى جاۋىن-شاشىنسىز بولادى. كەي جەرلەردە ەكپىندى جەل سوعىپ، تۇمان ءتۇسىپ، كوكتايعاق بولىپ، سولتۇستىكتە جاياۋ بۇرقاسىن سوعادى.

اقمولا، قوستاناي، سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەلدىڭ جىلدامدىعى سەكۋندىنا 15-20 م/س- قا دەيىن كۇشەيەدى.

اقمولا وبلىسىنىڭ كەي جەرلەرىندە جاياۋ بۇرقاسىن بولادى.

الماتى، تۇركىستان وبلىستارىنىڭ كەي جەرلەرىندە جەل 15-20 م/س- قا دەيىن كۇشەيىپ، تۇندە الماتى وبلىسىنىڭ كەي جەرلەرىندە تۇمان تۇسەدى.

قاراعاندى، پاۆلودار وبلىستارىندا تۇمان ءتۇسىپ، كوكتايعاق بولادى. كۇندىز قاراعاندى وبلىسىنىڭ كەي جەرلەرىندە جەل 15-20 م/س جىلدامدىقپەن ۇيتقيدى.

قىزىلوردا، جامبىل، ماڭعىستاۋ، باتىس قازاقستان وبلىستارىنىڭ كەي جەرلەرىندە تۇمان ءتۇسۋى مۇمكىن. كۇندىز جامبىل وبلىسىنىڭ كەي جەرلەرىندە جەل 15-20 م/س- قا دەيىن كۇشەيەدى.