ءجۇز جاسقا جەتۋدىڭ 7 ەرەجەسى

 استانا. قازاقپارات - قارتتىققا اياق باسقان كەز كەلگەن ادام ەڭ الدىمەن ۇزاق جاساۋدى ارماندايتىنى انىق. ءبىراق ەكىنىڭ ءبىرى جۇزگە جەتە بەرمەيدى عوي. دەگەنمەن ۇزاق ءومىر ءسۇرۋدىڭ دە ءوز سىرى بار. ول ءۇشىن نە ىستەۋ كەرەك؟

ۇزاق ءومىر ءسۇرۋ ەڭ الدىمەن ادامنىڭ وزىنە بايلانىستى ەكەنى انىق. دەگەنمەن كۇندەلىكتى ومىردە كوپ نارسەنى ەسكەرە بەرمەيمىز. ءبىراق قازىرگى جاعدايدا ۇزاق جاساۋعا بولادى. ا ق ش- تىڭ جەتەكشى عالىمدارى جاقىندا ادام بالاسىنىڭ 90 جاسقا دەيىن تىڭ، سەرگەك قالىپتا ءجۇرىپ، ءجۇزجىلدىق مەرەيتويىن ەركىن تويلاۋىنا مۇمكىندىگى زور ەكەندىگىن ەسەپتەپ شىعاردى. ول ءۇشىن قاراپايىم عانا جەتى قاعيدانى ەستە ساقتاۋ كەرەك. سونىمەن...

 1.ادام بالاسى ەنجارلىققا سالىنىپ، جاتا بەرمەي، كوبىرەك قوزعالعانى دۇرىس. داراگەرلەردىڭ ايتۋىنا قاراعاندا، 6-9 ساعات بويى جۇمىستا كوپ وتىراتىن ادام 60 جاسىندا، ودان دا ەرتەرەك ينسۋلت نەمەسە ينفارك الادى ەكەن. كارديولوگ عالىمدار كەم دەگەندە كۇنىنە 40 مينۋت بويى توقتاۋسىز ءجۇرۋ قاجەتتىگىن ايتادى. سوندا عانا اعزادا قان اينالىمى جاقسارىپ، جۇرەك قالىپتى جۇيەدە جۇمىس ىستەي باستايدى. سونداي -  اق ءار جارتى ساعات سايىن جاتتىعۋ جۇمىستارىن جاساعاننىڭ پايداسى كوپ. اعزاڭىزداعى حولەستەريننىڭ دەڭگەيىن ءبىلىپ، ونى ۇنەمى باقىلاۋدا ۇستاپ وتىرعانىڭىز ءجون. حولەستەريننىڭ تومەندەۋى تۇبىندە گيپورتونيا مەن جۇرەك تالماسىنا اپارىپ سوقتىرادى. 30 جاستان اسقان ادامدار جىلىنا ءبىر رەت، ال 45 جاستان كەيىنگىلەر دارىگەردىڭ نۇسقاۋىمەن جىلىنا ەكى رەت حولەستەريننىڭ دەڭگەيىن انىقتاپ تۇرعانى دۇرىس.

 ءۆيتامينى بار ءارتۇرلى تاماقتاردى كوبىرەك جەگەن ابزال. اسىرەسە، اعزاعا كوكونىس پەن جەمىستىڭ پايداسى مول ەكەنىن ۇمىتپاعان ءجون. ءاردايىم قان قىسىمىن قالىپتى جاعدايدا ۇستاعان دۇرىس. قازىر بۇل اۋرۋ جاسارىپ بارادى. بۇكىلالەمدىك دەنساۋلىق ساقتاۋ ۇيىمى ماماندارىنىڭ دەرەگىنە قاراعاندا، 35-40 جاستاعى ازاماتتاردىڭ قان قىسىمىندا قۇبىلمالىلىق بايقالادى. ارتىق سالماقتىڭ كەرەگى جوق. دارىگەرلەردىڭ دەرەگىنە سەنسەك، 15 كەلى ارتىق سالماق 10 جىلدىق ءومىرىڭدى قىسقارتادى. شەكتەن تىس سالماق نەمەسە سەمىزدىك قان اينالىمىنىڭ بۇزىلۋىنا الىپ كەلەدى. ءاردايىم قان قۇرامىنداعى قانتتىڭ دەڭگەيىن قاداعالاپ تۇرعان ءجون. اشقارىن جاعدايىندا قانتتىڭ دەڭگەيى 33-5,6 م م و ل/ل كورسەتكىش شاماسىندا بولۋى كەرەك.

تەمەكى مەن ىشىمدىككە اۋەس بولماعانىڭىز دۇرىس. تەمەكى شەگۋدى نەعۇرلىم ەرتە تاستاساڭىز، ول اعزاڭىزعا وتە پايدالى. تەمەكىنى تاستاعاننان كەيىن 15 -جىلدان كەيىن عانا بارىپ، اعزا بۇرىنعى تازا قالپىنا كەلەتىن كورىنەدى. نيكوتيننىڭ ۋلى ەكەنىن وسىدان- اق باعامداي بەرىڭىز. ارينە، ايتىلعان كەڭەستىڭ بارلىعى دا پايدالى ەكەنى تۇسىنىكتى. ەگەر اتالعان قاعيدالاردى ءجىتى ساقتايتىن بولساڭىز، ۇزاق ءومىر سۇرەتىنىڭىز انىق. ءبىراق ۇزاق جاساۋعا قاتىستى قاعيدالاردىڭ 50 پايىزى ەڭ الدىمەن ادامنىڭ گەندىك جۇيەسىنە دە بايلانىستى بولاتىنى ءسوزسىز. قالاي دەسەك تە، قارتتىققا بوي الدىرماي، ۇزاق جاساعىڭىز كەلسە، سالاۋاتتى ءومىر سالتىن ساقتاڭىز...

بەرىك بەيسەن ۇلى .

 www.aikyn.kz