دۇنيەجۇزىلىك كوشپەندىلەر ويىندارى: العاشقى كۇنى قازاقستان 7 التىن مەدالمەن كوش باستادى
جالپى كوماندالىق ەسەپتە 5 التىن، 5 كۇمىس، 8 قولا مەدالمەن قىرعىز رەسپۋبليكاسى قۇراماسى ەكىنشى ورىندا كەلە جاتىر. ال ءۇشىنشى ورىنعا 5 التىن، 2 كۇمىس، 5 قولا مەدالمەن تۇرىكمەنستان قۇراماسى جايعاسقان. ودان كەيىنگى ورىنداردا رەسەي (3, 0, 4)، وزبەكستان (2، 3، 7) ، ۋكراينا (2، 3، 1) قۇرامالارى ءوزارا بولىسكەن.
ايتا كەتەرلىگى، قازاقستان قۇراماسىنىڭ كوش باستاۋىنا بۇگىن ارمرەستلينگ شەبەرلەرىنىڭ ەرلىگى مۇرىندىق بولىپ وتىر. ايەلدەر اراسىندا قۇرامادان پيسمەننايا وكسانا (75 ك گ) مەن ليسيانسكايا انتونينا (+75 ك گ)، ەرلەردەن فارادجوۆ ۆالي (75 ك گ)، ستيپانچۋك اندرەي (95)، سازونوۆ ولەگ (105) پەن دميتري ترۋبين (+105ك گ) ەل نامىسىن قورعاعان بولاتىن. جارىستىڭ ناتيجەسى بويىنشا قازاقستان قۇراماسى 7 التىن جانە 5 كۇمىس مەدال يەلەنىپ، جالپى كوماندالىق ەسەپتە ۇلتتىق قۇرامانى العا شىعاردى.
III دۇنيەجۇزىلىك كوشپەندىلەر ويىندارى 2-8 -قىركۇيەك ارالىعىندا ىستىقكول (قىرعىزستان) اۋماعىندا ءوتىپ جاتىر. قازاقستان قۇراماسىنان 25 ەتنوسپورت تۇرىنەن 134 سپورتشى كۇش سىناۋدا.
فوتوسۋرەت: ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ باسپا ءسوز قىزمەتىنەن
