الماتىدا حالىقارالىق سيرك فەستيۆالىنە 7 ەلدىڭ ونەرپازدارى قاتىسىپ جاتىر
سيرك ونەرىنىڭ فەستيۆالىنە الەمنىڭ 7 ەلىنەن ونەرپازدار قاتىستى. ونىڭ ىشىندە بەلارۋس، ۋكراينا، رەسەي، وزبەكستان، قىرعىزستان بار.
قازاقستان كومانداسىنىڭ قۇرامىندا استانالىق تسيركى دە ونەر كورسەتتى. «كورەرمەندەرىمىز باعدارلاما بارىسىندا رەكوردتىق تريۋكتەرگە كۋا بولادى. ءدال وسى نومىرلەرمەن ءبىزدى الەمدىك ارەنادا ونەر كورسەتۋگە شاقىرعان. الماتى سيركىنىڭ ەڭ جاس ءارتىسى اناستاسيا دەميدوۆا ءوز باعدارلاماسىمەن مونتە كارلوعا شاقىرتۋ الدى. بۇل سيرك ارتيستەرى ءۇشىن وسكار جۇلدەسىنە قاتىسقانمەن بىردەي. فەستيۆال اياسىندا بۇعان دەيىن بولماعان قويىلىمداردى قازاقستاندىقتار العاش رەت تاماشالايدى»، - دەدى «استانالىق سيرك» رەجيسسەرى حورلان جانمىرزايەۆا.
فەستيۆالدىڭ ەڭ ۇزدىك ونەرپازدارى اۋە گيمناستارى، سيگۆەيدە وينايتىن ەكۆيليبريستەر، كۇلدىرگى سايقىمازاقتار، بارىس پەن كوگەرشىن قاتىسقان قويىلىمدار كورەرمەندى تاڭداي قاقتىردى. اسىرەسە سيقىرلى كورىنىس ادامنىڭ اڭعا اينالاتىن ءساتى كەلۋشىلەردىڭ ەرەكشە نازارىن اۋدارتتى. فەستيۆال تامىز ايىنىڭ 19 نا دەيىن جالعاسادى.
