بۇگىن ەلىمىزدىڭ 7 قالاسىندا اۋا ساپاسى تومەندەيدى

اتاپ ايتقاندا، استانا، الماتى، اتىراۋ، قاراعاندى، كوكشەتاۋ، تالدىقورعان جانە شىمكەنت قالالارىندا مەتەورولوگيالىق جاعدايلار اتموسفەرادا لاستاۋشى زاتتاردىڭ جينالۋىنا اسەر ەتەدى.

ال اقتاۋ، اقتوبە، قوستاناي، قىزىلوردا، پاۆلودار، پەتروپاۆل، ورال جانە وسكەمەندە مەتەوجاعدايلار كەرىسىنشە، زياندى زاتتاردىڭ اۋادا ىدىراۋىنا ىقپال جاسايتىن بولادى.

ايتا كەتەيىك، 2018 -جىلدىڭ 1 - قاڭتارىنان قازگيدرومەتتىڭ www.kazhydromet.kz سايتىندا قولايسىز مەتەورولوگيالىق جاعدايلاردىڭ (ق م ج) بولجامى جاريالانادى.

 ق م ج - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقامەرزىمدى مەتەورولوگيالىق فاكتورلاردىڭ (تىمىق، جەڭىل جەل، تۇمان، ينۆەرسيا) ۇيلەسىمى. ق م ج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى مۇمكىن.

لاس تانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى - سينوپتيكالىق احۋالدىڭ (جەل، جاۋىن- شاشىن، ىلعالدىلىق، اۋا تەمپەراتۋراسى) بولجامى.