قازاقستان باقىتتى ەلدەر رەيتينگىندە 7-ورىندا تۇر

 استانا. قازاقپارات - Gallup International حالىقارالىق تاۋەلسىز زەرتتەۋشىلەر اگەنتتىكتەرىنىڭ قاۋىمداستىعى باقىتتى ەلدەردىڭ رەيتينگىن جاسادى.

2017 -جىلدىڭ قاراشا- جەلتوقسان ايلارىندا Gallup قاۋىمداستىعى «جىل قورىتىندىسى» ساۋالناماسىن جۇرگىزدى. الەمنىڭ 55 ەلىنىڭ 54 مىڭعا جۋىق تۇرعىنىنان ساۋالناما الىندى.

«ءوزىڭىزدى قانشالىقتى باقىتتى سەزىنەسىز؟ » دەگەن سۇراققا الەم بويىنشا قاتىسقان ادامداردىڭ 59 پايىزى وزدەرىن باقىتتى سەزىنەتىنىن ايتقان. ال، جاۋاپ بەرگەندەردىڭ 11 پايىزى باقىتسىزبىن دەپ جاۋاپ بەرىپتى» ، - دەلىنگەن زەرتتەۋدە.

ساۋالناماعا قاتىسۋشىلاردىڭ 28 پايىزى وزدەرىن نە باقىتتى، نە باقىتسىز سەزىنبەيتىن بولىپ شىقتى. ناتيجەسىندە باقىتتىڭ الەمدىك يندەكسى - وڭ جانە تەرىس جاۋاپتاردىڭ اراسىنداعى ايىرماشىلىق ارقىلى ەسەپتەلدى دە، 48 پايىزدىق پۋنكتى قۇرادى. وسىلايشا، باقىتتى ەلدەر رەيتينگىنىڭ باسىندا 92 پايىزدىق پۋنكتپەن فيدجي مەملەكەتى بولدى. ەكىنشى ورىندا كولۋمبيا (87 پايىزدىق پۋنكت) ، ءۇشىنشى ورىندا فيليپپين (84 پايىزدىق پۋنكت) تۇردى.

«مۇندا ازيا (ۆەتنام، پاپۋا، جاڭا گۆينەيا، يندونەزيا، ءۇندىستان) ، لاتىن امەريكا (مەكسيكا، ارگەنتينا، ەكۆادور، پەرۋ) ەلدەرى دە بار. قازاقستان 74 پايىزدىق پۋنكتپەن جەتىنشى ورىنعا جايعاستى. نيدەرلاندى 11-ورىندا 64 پايىزدىق پۋنكتپەن تۇر» ، - دەپ جازدى Gallup قاۋىمداستىعى.

 

Baq.kz