كومپانيا سامسۋنگ-7 سمارتفوندارى باتەريالارىنىڭ وزدىگىنەن جارىلۋ سەبەبىن اتادى

استانا. قازاقپارات - Samsung كومپانياسى Galaxy Note 7 سمارتفوندارى اككۋمۋلياتورلارىنىڭ وزدىگىنەن جانۋ سەبەبىن ءمالىم ەتتى، دەپ حابارلايدى اسسوشيەيتەد پرەسس اگەنتتىگى.

Samsung سمارتفونداعى اقاۋلار ءۇشىن بار جاۋاپكەرشىلىكتى ءوز موينىنا الىپ، وعان سەبەپ «اككۋمۋلياتورلاردى جوبالاۋداعى جانە قۇرىلعىنى جيناۋداعى تەحنولوگيالىق پروتسەستەردىڭ كەمشىلىگى» بولعانىن اتاپ ءوتتى.

اگەنتتىكتىڭ حابارلاۋىنشا، 700 زەرتتەۋشى مەن ينجەنەرلەر 200 مىڭنان استام قۇرىلعى مەن 30 مىڭنان استام اككۋمۋلياتوردى سىناقتان وتكىزگەن.

ايتا كەتەيىك، قازان ايىنىڭ باسىندا Samsung Electronics Galaxy Note 7 سمارتفوندارىن ءوندىرۋدى ۋاقىتشا توقتاتتى.

 Galaxy Note 7 وڭتۇستىك كورەيادا 19 -تامىزدان باستاپ ساتىلا باستادى. سمارتفونداردىڭ قۋاتتاۋ كەزىندە جانا باستاۋى تۋرالى اقپاراتتار تۇسە باستاعاننان كەيىن، قىركۇيەك ايىنىڭ باسىندا الەمدىك نارىقتان ولاردىڭ 2,5 ميلليون داناسى كەرى قايتارىلدى، اتاپ ايتقاندا، ا ق ش، تايۆان، وڭتۇستىك كورەيا ەلدەرىنەن.